جسام يبني (مكتوبة) - باسم الكربلائي

 

 

بعيونك وداع و أنا بعيني دمعه
بيدك شفت سيف وأنا بيدي شمعه
إختار إبين الاثنين
بين الدنيه وحسين
جسام يبني

مو سهله يبني شبابك تخسره
ربحك يجسام إمامك تنصره
والدنيه وحده وترى الموته وحده
واليعرف حسين يضحي له عمره
عمك ينادي ألا من مجيبه
من توقف وياه تذكره بحبيبه
موت و عيش مرتين
بين الدنيه وحسين

روح بسلامه و ترد بالسلامه
محتاره مابين دمع و إبتسامه
بالكلفه جسام يشارك عمامه
آنه أشكر الله عله هالكرامه
سيف الحسن هاك ييمه هديه
و إعمامه عندي و ترك لك وصيه
وافي إبكربله الدين
بين الدنية وحسين

جنت أسهر الليل حساب و تمني
و أنظر جمالك وأغض عيني مني
وياك الحساب ياهالماشي عني
إقعد وأقلك جروحك هذني
أحسب لك إدموع لحد يوم شبابك
كل هذا واتريد أشاهد مصابك
يوليدي التعب وين
بين الدنيا وحسين

كل أم يجسام حلمها نعرفه
يكبر إبنها و بيديها تزفه
ما بين الأحباب تحني له جفه
من مثلي زفت إبنها إعله حتفه
يالرايد تروح أظل إعله نارك
آنه أشعل شموع وأظل بإنتظارك
تشهد دمعة العين
بين الدنيه و حسين

ودعني يبي وإخذ روحي بيدك
ترجع لي مذبوح يجاسم أريدك
شيبي أصبغه أنا من وريدك
دمع أمك إعليك ييمه إشيفيدك
يم ليلى أمشـي تحس بيه أكثر
آنه أنحب إعليك وهي إعله الأكبر
و إنعيش الأمرين
بين الدنيه و حسين

والخيمه توقع إذا طاح عمدها
والوالده إتموت إذا راح ولدها
دمعات الفراق تظل إعله خدها
جلمة ييمه تقطع جبدها
من تلقه شبان تظل تنظر إلهم
ياربي يارب تردهـم لهلهم
صار الجرح جرحين
بين الدنيه و حسين

لمن يجي الليل أهيمن ييمه
والفارق أحباب يغالي إشينومه
ثوب العرس وين يجسام أضمه
يالريحتك بيه أشبقه و أشمه
إفراشك أفرشه و لا تغفه عيني
مذهوله يبني و أحسب تجيني
من أصفق الجفين
بين الدنيه و حسين

آنه ورباب اويه ليلى قعدنه
زينب دمعها يسيل الدمعنه
بالله يشبان تذكرون تعبنه
بيمن إجينه و بعد بيش رجعنه
كل وحده يبني تنوح إعله إبنها
و تسولف إشلون طعنها زمنها
آه يا سطرة البين
بين الدنيه و حسين

للشاعر : سيد عبدالخالق المحنة