يحيا الحسين (مكتوبة) - باسم الكربلائي

 

 

إبسبعين ألف .. ما أعترف .. صاح الأكبر
ميهمني لو  .. صاروا ضعف .. صاح الأكبر
هذا الحسين .. يحيا الحسين
حسين حسين

آنه علي و جدي علي والينه
واليوم أذكركم إذا ناسينه
جدي القلع باب الحصن بيمينه
بدر وأحد و الخندق وصفينه
أعرف حقدكم من زمان علينه
بس تبقه قطعة رووسكم بيدينه
زيدوا العدد..جيبو المدد..لا للذله
آني الأسد..وإبن الأسد..لا للذله
أفدي الحسين..يحيا الحسين
حسين حسين

جدي الشطر عمر بن ود و مرحب
وآنه علي و أتحده واحد يقرب
الساحة  إلنه و بالحرب ما نتعب
وإحنه السيوف وذو الفقار إمجرب
آنه علي و اليوم وين الـمهرب
أهل الكلايف وإحنه أهل الأصعب
أهل الحمه..والموزمه..وأهل الغيره
و إحنه الحكم..والمحكمه..وأهل الغيره
إحنه الحسين..يحيا الحسين
حسين حسين

آنه علي إبن الحسين الأكبر
أضربكم  بالسيفِ ضربَ حيدر
ضربَ غلامٍ هاشمي لا يقهر
محشر أخليها و جهنم تسعر
يوم الفصل من يربح ومن يخسر
هذا الحسين و لجله أفدي المنحر
الساحه لي..آنه و هلي..وين العسكر
وين الزلم..آني علي..وين العسكر
إبن الحسين..يحيا الحسين
حسين حسين

حملة علي إبيوم الهرير أحملها
روس الجبيره اليوم سيفي إيدلها
أقلبها و التالي يصير أولها
عاليها  أقلبه و ينقلب سافلها
إشتحسب يملج الموت خلها خلها
إخذ  إستراحه اليوم وآنه إلها
يوم الزعل..صوتي يظل..يا بو حسين
قلهم علي..حيدر حمل..يا بو حسين
لجل الحسين...يحيا الحسين
حسين حسين

آني أخو سكينه الحرب سلامي
و إبدمعة سكينه أشد إحزامي
هذا الحسين الوالد و إمامي
وين اليقول آني و يجي قدامي
اليوم أدوس إخشومهم بجدامي
ليش الحسين إبلا نصير و ضامي
مني إحترس..و إخذ الدرس..سجل موقف
لجل الشرف..ضحي النفس..سجل موقف
يبقه الحسين..يحيا الحسين
حسين حسين

وحدي أنا و إنتم إلوف و كثره
وآني أسجل بالطفوف الذكره
هذا الجسم خلي السيوف إتوذره
فدوه العمر وحسين سالم عمره
خل ينقطع نحري و أظل عالغبره
أهتف أظل أفديك يبن الزهره
يهل الغدر..فدوه العمر..لإبن الزهره
يوم الحشر..شنهو العذر..لإبن الزهره
دم الحسين .. يحيى الحسين
حسين حسين

 

للشاعر : السيد عبد الخالق المحنة