وين الاهل (مكتوبة) - باسم الكربلائي

 

 

منين الصبر أجيبه .... يازينب الغريبه
دمعي ودمع عينج نزل .... يأم الحزن وين الأهل
ياحسيـــــــــن

قالت لي ضلوا عالثرى آنا أجيت ميسره
وأبن أمي جثه موذره وقبالي قطعوا منحره
راسه أشوفه اعلى الرمح واعليا شابح ناضره
وبلا يساره ويمنته خليته سبع القنطره
يم النهر مصابي .... ماينتهي عذابي
أسكت إذا شامت سأل .... يأم الحزن وين الأهل
يأحسيــــــــن

نار الحزن ماتنطفي مهما أجود بدمعتي
آنا الخدر وأم الخدر بالغربة خلوني اخوتي
وحدي ولا من هاشمي يحضر إليا بغربتي
وين العشيره ماشفت ظليت أهيم بحسرتي
أصعب جرح عليا .... نادوني يالسبيه
آنا بنت خير العمل .... يأم الخدر وين الأهل
ياحسيـــــــــن

زينب أنا وفوق الهزل حقي أعاتب ياهلي
بعد القمر صار الشمر هو ال يباري محملي
ينظر لي من فوق الرمح يعني أعتذر لي كافلي
بلكوفه ونيت وصحت أحضر يابويا ياعلي
للكوفه من أجينا .... وتفرجوا علينا
شوف الدهر بيا شعمل .... يأم الحزن وين الأهل
ياحسيـــــــــــن

ماأنسى بالشام شجرى آنا ورقيه تصوبت
صاحت رقية وشبقته من شافت الراس بطشت
صاحت يابويا تأخرت وآنا على الطفله خفت
ماتت يويلي من الحزن وأتمنى وياها متت
صاحت علي هضيمة .... من ماتت اليتيمه
بالغربة وافاها الأجل .... يأم الحزن وين الأهل
ياحسيـــــــــــن