اطلب الثارات (مكتوبة) - باسم الكربلائي

 

 

اطلب الثارات و انته المنتظر
و صيح خلف الباب يا ضلع انكسر
لليوم منتظرينه
و انصيح عهدك وينه

حان وكتك يا شبل حامي الحمه
كوم و اطلب ثار امك فاطمه
يا بو صالح هذا يوم الملحمه
و بظهر ميمونك يلوح الضفر

كوم و اسرج خيل جدك يا غيور
ما كرب يالمنتظر يوم الظهور
لازم الدنيه على الباطل تدور
تعب عيونك يبو الغيره السهر

جرد بيمناك سيف المرتضى
خلي صوتك يملي ارجاء الفضه
و احنه كلنه وياك نصرخ رافضه
و انته غايتنه يبن سيد البشر

كوم و اعلن ثورتك يبن الاباة
خلي سيفك يذبح اباب الطغاة
عمك العباس ظل اعله الفرات
طاحت جفوفه على شاطي النهر

كوم و والكد غوجك لطف كربله
تلكه زينب عمتك متألمه
اوفي بعهودك يبن سيد المله
يمته صوتك يذبح سنين الخطر

يمته توصل سيدي ارض الطفوف
عمك العباس مكطوع الجفوف
كوم خلد ثورتك بأربع حروف
حسين صيح حسين يا جرح الدهر

 

للشاعر : علي الخفاجي