دار الوحي (مكتوبة) - باسم الكربلائي

 

 

لا تقترب يم الدار .. هاذي حدود القهار
دار الوحي و تنزيله
روح النبي خلف الباب .. لاذت و اهي بلايه حجاب
و اللي وصل يا ويله

يظالم صرح القرآن
حدود الباري لا تقرب
اذا ام الحسن تغضب
محمد و الصمد يغضب
كالوله الزجيه هنا
نحذرك من عذاب الرب
كاللهم و إن بالدار
اريدن بابها يلهب
هجمتهم هبل عالتكبير ... ذو القربى تنعه التطهير
و الهادي دمعه يسله
والدها لازم ينصاب.. لاذت و اهي بلايه حجاب
و اللي وصل يا ويله

سمعنا جم نبي من مات
انحفظ و عياله حفظوها
محمد عنده بس بضعه
لجن يا حيف آذوها
ثكيلة الباب يا عالم
بحقد و اعليها دفعوها
انعصرت فاطمة و تصيح
و لا جنهم يسمعوها
محتاره ما بين النار .. بين الطفل و البسمار
و انظر علي و تكبيله
بنت النبي ما تنهاب .. لاذت و اهي بلايه حجاب
و اللي وصل يا ويله

تصيح بصوت يا فضة
تعالي و لا تلجميني
يألمني كسر ضلعي
تره المسمار ياذيني
يفضه ما شفه قلبي
و ضلعي وكعت جنيني
سمعني من صحت بويه
رجع سبني و سطر عيني
يا فضة وين الكرار .. حامي الحميه و الجار
خل يحضر و اشكيله
يا ابا الحسن عدها اعتاب.. لاذت و اهي بلايه حجاب
و اللي وصل يا ويله

يفضه خل تجي زينب
تشوف اشلون حال امها
ردت ما تنسه باب الدار
يوم التسعر اخيمها
يفضه خل تجابلني
و تنوح الحالت ابن امها
و اذكرها ابمصاب الطف
غريبة و لا اخو يمها
يمه يزينب لا باس .. لمن يصير العباس
عن قصتي ارويله
كليله هاي الاسباب .. لاذت و اهي بلايه حجاب
و اللي وصل يا ويله

اجاني و من لذت منه
غضب و الباب يدفعها
اون من شدة العصرة
و كسرة ضلعي يسمعها
يكول اكلوبنه ترتاح
من يسيل مدمعها
هاي ام الحسن و حسين
اريد اليوم اروعها
كلما اسمعه صوتي .. يكلي موتي موتي
روحي لبوج احجيله
كليله ام الكتاب .. لاذت و اهي ابلايه حجاب
و اللي وصل يا ويله

طحت من ضربته و كتله
يظالم ليش تضربني
ابد ما يملك الرحمه
رغم هذا بده يسبني
يظالم يا شرع يا دين
يسمحلك تعذبني
اذا عندي ذنب وياك
تكتله ابيا ذنب ابني
صارت قصيرة ايامي .. و ابني انجتل كدامي
لاخر نفس ابجيله
يا فضه خبري الاحباب .. لاذت و اهي ابلايه حجاب
و اللي وصل يا ويله

يزينب يبدي من هاليوم
مصاب الما اله تالي
بده يا زينب التوديع
غالي من بعد غالي
انه هالليلة اودعنج
و راح امكيد الوالي
يزينب كل حزن شفته
حتى الما اجه ابالي
يم الحزن لا تبجين .. اصعب ليالي تشوفين
مو صعبه هاي الليلة
و اليسأل يريد جواب .. لاذت و اهي بلايه حجاب
و اللي وصل يا ويله

 

للشاعر : السيد عبد الخالق المحنه