فكري حاير (مكتوبة) - باسم الكربلائي

 

 

فكري حاير ... شنهو صاير ... الليلة مكسورة الخواطر
مكتوبة
اهداء من الشاعر المبدع علي السقاي لخادمكم...
فكري حاير شنهو صاير
الليله مكسوره الخواطر

حارت افكاري ابحزن ضايع حدوده
اْو جيت اعزّي علّة الكون اْو عموده
ابمثل هالليله علي المدمع يجوده
دِفن بضعة أحمد اْو زهرة وجوده
ليله صعبه كلها غربه
والمحب لا ما يكابر

اْمن الأزل هالحسره عاشت ويّه روحي
ابلا جَزر يِمتد لجلها ابعيني موحي
فاطمه اْمن اسمع إسمها اتفز جروحي
ابضلعي أتخيّل كسرها اْو يعله نوحي
أبقه أنعي وأجري دمعي
حتّه لو تعمه النواظر

كبّر الجرح ابصدرها ابلهجة الدم
ابعالم العلوي اِشجره أللهُ أعلم
كل عظُم بيّه يريته لو تهشّم
بس ضلع بنت النبي اْمن الرضّه يسلم
الدنيه كلها فدوه إلها
اْو تفدي دمعات المحاجر

الدنيه وحشه اْو مامثل هالليله ليله
مو سهل وضع الذي يفگد خليله
لو سمعت ايتام والونّه ثجيله
أذكر اعله الزهره ونّات العقيله
وابقهرها من زغرها
اتعلّمَت تبچي اْو تساهر

أروي هاي المحنه والحاله الرهيبه
اْو تعثر انفاسي ابصدر هايج نحيبه
كَسر ضلع ام الحسن هاي العجيبه
اْو علي ينجر ابحبل أعجب مصيبه!
اليحمي جاره ابذوالفقاره
اتگيّد اْو لازم يصابر

يوم ماهجموا على بيت الإمامه
عالطُهر چف الرجس صب انتقامه
( وابوجها ظلّت السطره علامه )
علي هذا اليوم يعتبره القيامه
اِتمنّه سيفه يبدي حيفه
اْو بالجثث يملي
المقابر

 

للشاعر : علي السقاي