نودعها و نشيعها (مكتوبة) - باسم الكربلائي

 

 

يليل شلون انام ودمعتي بعيني
كسر ضلع الزجية دوم ياذيني

اون ياليل خليني مثل ونها
حمام الدوح ياخذ ونته منهه
اويلي شلون لمن طاح محسنها
يفضه تصيح اجاني الموت ودعيني

اجت وتصيح فضه ويلي عالزهرة
تشاهد عالوجه اثار للسطرة
يحيدر ليش عين ام الحسن حمرة
تنادي وين ابو الحملات يحميني

يفضة لو اجووا اولادي صبريهم
هذولة احباب قلبي وخايفه عليهم
اذا رادوا يجوني لا تخليهم
اصلي ومن انامن لا تكعديني

ماتت فاطمة وجانت وصيتها
خليفة ما رضت يمشي بجنازتها
وصيتها لعلي باليل دفنتها
على عيوني يكلها لا توصيني

مشة للمغتسل حيدر يغسلها
اعذريني يكلها ودمعته يهلها
يزهرة وين كسرج وين يسألها
انا حيدر يبعد الروح حاجيني

مسح دمعه ونده وين الحسن وحسين
تعالوا ودعوا امكم يا ضوة البالعين
اجاها حسين يصرخ يالعزيزة وين
ييمة شلون تمشين وتخليني

اجوها بلا وعي و رادوا يكعدوها
يشبكوها ويشموها ويقبلوها
انكسر خاطر علي ويشعر يأذوها
يصيح حسين يمه وياج اخذيني

ييمه من كسر ضلعج يمضلومه
انا حسين العزيز وروحي مهمومه
دكافي النوم يمه طالت النومه
بجاه المصطفى يحبيبة كلميني

للشاعر: سيد عبدالخالق المحنه