دمعة سجودك (مكتوبة) - باسم الكربلائي

كل  دمعه ابسجودك ...شفناها ابقيودك
يا    موسه   إبن   جعفر   ...يا   إمامي

انختمت    بالسجن    صفحة    حياتك
عله    امتون    الجسر    خلوا    رفاتك
اجينه   و   شفنه   دم   باقي   ابعباتك
لقينه     ادموعك    التجري    بصلاتك
وياك        التقينه...بالجمعة       الحزينه
صوت    الناعي    كبّر    ...يا   إمامي

إلك      تمطر      نجم     عين     الثريه
نعشك      يحمل      أسراره      الخفيه
غريبه       يا       غريب       الكاظميه
يسمونك           إمام          الرافضيه
يعايش   وي  نبضنه...نعم  إلهم  رفضنه
و    حبك   بينه   يكبر   ...يا   إمامي

دعاء     الفرج    تقراه    و    نسمعك
بس      الخالقك      رخّصته     دمعك
حضرنه     الليله     يالكاظم    نشيعك
نزل   حته   العرش   يبجي   و  يودعك
دمعات   الوسافه...يم   جسر   الرصافه
جمر     الفرقه    يسعر...    يا    إمامي

ذكرني     ابعلي    القيد    اعله    زندك
و     بحال    الحسن    ذكرني    جبدك
تشبه    فاطمه    السطره   اعله   خدك
مثل     زينب    تون    بالغربه    وحدك
آه     امن    الليالي...فجعتكم    يغالي
من     محجر    المحجر    ...يا    إمامي

عله       امصابك      عين      البصيره
طبيبك     شافك    و    بعيونه    حيره
قام     ايصيح     وين    العنده    غيره
هالمسموم       ما      عنده      عشيره
أهل   الغيره   حيهم...تاخذ   ثار  ابنهم
عنك     وينه    حيدر...    يا    إمامي

رغم   هاي   الماسي   و   جور  عصرك
هذا   انت   أصبحت   سلطان   دهرك
راح    اللا    رشيد    و   باقي   ذكرك
باب       الحاجة      للمعبود      قبرك
و اليقصد ضريحك ...تنطيه من يصيحك
يوم     الشدة    تحضر    ...يا    إمامي

 

للشاعر : كرار حسين الكربلائي