آه عليك يا المرتضى (مكتوبة) - باسم الكربلائي

 

 

آه اعليك يالمرتضى 

هامة قرآنَ الله انصابت           
يا كرار وشمسك غابت 
روحي الفگَدك شمعه وذابت      
والدنيا اخلافك ما طابت 
ومُظلِم صار وجه الفَضَه 

أَسمَع چَن زينب مِرتابه        
تصرخ يا حيدر يا يابه 
متخضّب بالدّم مِحرابه      
فارس خيبر منهو الصابه 
صابك ليش سيف القضه 

ما أحمل بُعدك يالوالي       
ابدالك ريت إنْطَر دلّالي 
يَمّك طاحت كل آمالي      
تِعمه اعيونه اليفگد غالي 
والكرار شيْعَوّضه 

يابويه ومن صابوا هامَك     
يم بابك مفجوعه ايتامك 
بويه وماتمّمت اصيامك      
عُمرك خلّصته ابآلامك 
بالآلام عُمرَك گضه 

قرآن ومفتوح ابراسك       
تَرْجم آلامك وإحساسك 
مشتاگَه الجنّه الأنفساك     
وجدّي الهادي واُمّي وناسك 
الجنّه اتريد بيك اتْحَضه 

ناداها هُونچ يا زينب          
مِن وَنّاتج گلبي اتعَذّب 
راح اتشوفين اعظم واصعب     
حسين ومن دم نحره امخضّب 
اضلوعه ابخيل متْرَضْرِضه

للشاعر :ضياء الربيعي