رافضي وشيعي (مكتوبة) - باسم الكربلائي

 

 

هذا توقيعي رافضي و شيعي
حب علي اجنني

هذا صوت من الضماير
لابو الحمله يعتلي
للحشر هذا ندائي رافضي و عاشق علي
عاهدت حيدر امامي
وابد ما عوف الولي
علي اقرب وريدي
و اعز من روحي و هلي
دنيتي و ديني .. حبه يكفيني
حب علي اجنني

وقعت للوصي بدمي
وابد ما يغلى الدمه
والخصم لو ناشدوني
عن عشق حامي الحمه
كل شي بالدنيا اشوفه
من علي و من فاطمة
ابقى خادم لليخدمه
و تشهد علي السمه
تخفق الرايه .. حيدر الغايه
حب علي اجنني

ما تغيرني النواصب
عن درب خير العمل
انسج العالم قصيده
علي ذكره المستهل
اسرح بواحة جماله
اكتب ابيات الغزل
يم علي الكرار باجر
يبقى معقود الامل
هذا مضموني .. ما تغيروني
حب علي اجنني

انا مجنون بمحبته
لا تلومون القلب
كل شخص حرّ بحياته
لو يحب لو ما يحب
علي سلطان المحبه
و انا ما تيّه الدرب
والله ما عدكم نظيره
وصعب تمحونا صعب
هذا تفسيره .. علي بو الغيره
حب علي اجنني

عمري منذور لامامي حتى لو دمي نزف
انا من واليت حيدر
حققت اشرف هدف
انا عندي الغاية وحده
جدمي ثابت ما رجف
اعتني زحوف لضريحه
واركض القاع النجف
علي عنواني .. ما احب ثاني
حب علي اجنني

ياهو مثلي يحب امامه
واسمه ويّ الدم جرى
لان مو رابع الاول
اللّٰه حيدر امّره
باجر الكوثر بايده
ونرتوي من كوثره
وشكثر حظه ليموت
و عنده صك من حيدره
وقعت عهدي .. جندي للمهدي
حب علي أجنني

للشاعر : علي الخفاجي