وينك (مكتوبة) - باسم الكربلائي

 

 

ﻭﻳﻨﻚ ﺃﺳﺄﻝ ﻋﻠﻴﻚ ﺇﺑﻜﻞ ﻛﺘﺮ ...ﻭﻳﻨﻚ
ﻛﻞ ﻋﻤﺮﻱ ﻋﺎﻳﺶ ﺃﻧﺘﻈﺮ ... ﻭﻳﻨﻚ
ﻣﺎ ﻇﻞ ﻋﻠﻪ ﺇﻓﺮﺍﻗﻚ ﺻﺒﺮ ... ﻭﻳﻨﻚ

ﻋﻤﺮﻱ ﺷﻤﻌﻪ ﻭ ﺫﺍﺑﺖ ﺑﻨﺎﺭ ﺍﻧﺘﻈﺎﺭﻙ
ﻟﻴﻞ ﺻﺒﺮﻱ ﻳﺮﺗﻘﻲ ﺇﺑﻄﻠﻌﺔ ﻧﻬﺎﺭﻙ
ﻳﺎ ﺣﺒﻴﺐ ﺍﻟﺮﻭﺡ ﺩﻟﻴﻨﻲ ﺇﻋﻠﻪ ﺩﺍﺭﻙ
ﻣﺜﻞ ﻗﻴﺲ ﺃﺭﺩ ﺃﻋﺘﻨﻲ ﻭ ﺃﻟﺜﻢ ﺟﺪﺍﺭﻙ
ﺷﻮﻗﻲ ﻳﺘﺨﻄﻪ ﻗﺎﻧﻮﻥ ﺍﻟﺰﻣﻦ ...ﺷﻮﻗﻲ
ﻣﻨﺬﻭﺭ ﺇﻟﻚ ﻳﺒﻦ ﺍﻟﺤﺴﻦ ...ﺷﻮﻗﻲ
ﻳﺴﺄﻟﻨﻲ ﻛﻞ ﻟﺤﻈﻪ ﺍﻟﺘﻤﺮ ...ﻭﻳﻨﻚ

ﻋﺎﻳﺶ ﺇﺑﺴﺤﺮﻙ ﺃﻧﺎ ﻭ ﺻﺎﻳﺮ ﺭﻫﻴﻨﻚ
ﻋﻴﻨﻲ ﻇﻠﺖ ﺷﺎﺑﺤﻪ ﺍﻟﻐﺮﺓ ﺟﺒﻴﻨﻚ
ﺇﺣﺴﺒﻨﻲ ﻣﻦ ﺃﻳﺘﺎﻣﻚ ﺍﻟﻴﻄﻠﺐ ﺣﻨﻴﻨﻚ
ﺳﻴﺪﻱ ﻭ ﺇﻣﺴﺢ ﻋﻠﻰ ﺭﺍﺳﻲ ﺇﺑﻴﻤﻴﻨﻚ
ﺣﺎﻟﻲ ﺧﻠﻪ ﺍﻟﺼﺨﺮ ﺩﻣﻌﻪ ﺇﻳﻬﻠﻲ ... ﺣﺎﻟﻲ
ﺣﺎﻝ ﺍﻟﻴﺘﻴﻢ ﺇﺑﻼ ﻋﻠﻲ ... ﺣﺎﻟﻲ
ﺍﻣﺘﺎﻧﻲ ﻃﻠﻮﻋﻚ ﻳﺎ ﻓﺠﺮ ... ﻭﻳﻨﻚ

ﺇﺗﻌﻴﺶ ﻭﺣﺪﻙ ﻭ ﺑﻐﻴﺎﺑﻚ ﻭﺣﺪﻙ ﺇﺗﺴﻴﺮ
ﺇﻟﻤﻦ ﺇﺗﺴﻮﻟﻒ ﻫﻤﻮﻣﻚ ﻟﻤﻦ ﺇﺗﺤﻴﺮ
ﻣﺜﻞ ﺣﻴﺪﺭ ﺃﻋﺘﻘﺪ ﻳﺎ ﺳﻴﺪﻱ ﺇﺗﺼﻴﺮ
ﺣﻴﻦ ﺗﺸﻜﻲ ﺇﺗﺨﻠﻲ ﺭﺍﺳﻚ ﺩﺍﺧﻞ ﺍﻟﺒﻴﺮ
ﺗﺸﻜﻲ ﻣﻦ ﺗﺸﻜﻲ ﻳﺎ ﻫﻮ ﺍﻟﻴﺴﻤﻌﻚ ... ﺗﺸﻜﻲ
ﻣﻨﻬﻮ ﺍﻟﻠﻲ ﻳﻤﺴﺢ ﻣﺪﻣﻌﻚ ...ﺗﺸﻜﻲ
ﻳﺎ ﺍﻟﻘﺎﺑﺾ ﺇﺑﺠﻔﻚ ﺟﻤﺮ ... ﻭﻳﻨﻚ

ﻣﻦ ﺑﻼﺩ ﺍﻟﻠﻪ ﺍﻟﻮﺳﻴﻌﻪ ﻣﺴﺘﻘﺮ ﻭﻳﻦ
ﺇﺑﻜﺮﺑﻠﻪ ﻟﻮ ﻳﻢ ﻋﻠﻲ ﺑﺮﺽ ﺍﻟﻐﺮﻳﻴﻦ
ﺳﻴﺪﻱ ﻭ ﺇﻋﻠﻴﻚ ﺃﻣﺸﻲ ﻧﺤﺮ ﺍﻟﺤﺴﻴﻦ
ﺍﺑﺸﻮﻓﺘﻚ ﻳﺒﻦ ﺍﻟﺤﺴﻦ ﺧﻞ ﻧﻜﺤﻞ ﺍﻟﻌﻴﻦ
ﺭﻳﺘﻚ ﺗﺸﻤﻠﻨﻲ ﺇﺑﺠﻒ ﺭﺃﻓﺘﻚ ... ﺭﻳﺘﻚ
ﺗﺴﻤﺢ ﻟﻲ ﺃﺣﻈﻪ ﺇﺑﺸﻮﻓﺘﻚ ... ﺭﻳﺘﻚ
ﺟﺎﻭﺑﻨﻲ ﻟﻮ ﻏﺎﺏ ﺍﻟﺒﺪﺭ ... ﻭﻳﻨﻚ

ﻗﺎﻟﻮﺍ ﺍﻟﻠﻲ ﻳﺮﻳﺪ ﻳﺘﺸﺮﻑ ﺑﻤﻠﻘﺎﻙ
ﺇﺑﻤﻮﺳﻢ ﺍﻟﺤﺞ ﺇﻧﺖ ﺗﺤﻀﺮ ﻛﻞ ﺳﻨﻪ ﻫﻨﺎﻙ
ﺭﺣﺖ ﻣﻜﻪ ﻭ ﻗﻠﺖ ﻳﻤﻜﻦ ﺃﻟﺘﻘﻲ ﺇﻭﻳﺎﻙ
ﻟﺠﻦ ﻇﻠﺖ ﺑﺎﻟﻘﻠﺐ ﺣﺴﺮﻩ ﺍﻋﻠﻪ ﻓﺮﻗﺎﻙ
ﻏﺎﻳﺐ ﻭ ﺍﻟﻐﻴﺒﻪ ﺑﺲ ﻋﻦ ﺍﻟﻨﻈﺮ ... ﻏﺎﻳﺐ
ﻻﺟﻨﻚ ﺇﻭﻳﺎﻧﻪ ﺇﺗﺤﻀﺮ ...ﻏﺎﻳﺐ
ﻭ ﺑﻴﺎ ﻭﻛﺖ ﻋﻴﻨﻲ ﺗﻘﺮ ...ﻭﻳﻨﻚ
ﻣﺴﺠﺪ ﺍﻟﺴﻬﻠﻪ ﺇﻧﺸﺪﻩ ﻋﻦ ﺑﻜﺎﺋﻲ
ﺧﻞ ﻓﺠﺮ ﺍﻟﺠﻤﻌﻪ ﻳﻮﺻﻒ ﻟﻚ ﺩﻋﺎﺋﻲ
ﺭﻏﻢ ﺗﻘﺼﻴﺮﻱ ﻭ ﺭﻏﻢ ﺷﺪﺓ ﺟﻔﺎﺋﻲ
ﺑﻨﺪﺑﺘﻚ ﻳﺒﻦ ﺍﻟﺤﺴﻦ ﺩﺍﻳﻢ ﻧﺪﺍﺋﻲ
ﺑﺴﻤﻚ ﺗﺪﺭﻱ ﺇﺷﻜﺜﺮ ﺻﺎﺡ ﺍﻟﻘﻠﺐ ... ﺑﺴﻤﻚ
ﺟﻢ ﻭﺭﺩﻩ ﺯﺍﺭﻉ ﺑﺎﻟﺪﺭﺏ ... ﺑﺴﻤﻚ
ﻳﺎﻟﻤﻬﺪﻱ ﺧﻠﺼﺖ ﺍﻟﻌﻤﺮ ... ﻭﻳﻨﻚ

ﻳﺎﻟﻠﻲ ﻣﺘﻔﻀﻞ ﻋﻠﻴﻨﻪ ﺑﻔﻴﺾ ﻋﻄﻔﻚ
ﻳﺎ ﻭﻛﺖ ﻳﺎ ﺳﻴﺪﻱ ﺇﺗﺤﻔﻨﻪ ﻭ ﻧﺤﻔﻚ
ﻳﻤﺘﻪ ﺟﺪﺍﻡ ﺍﻟﻤﻠﻪ ﺇﻧﺼﺎﻓﺤﻬﺎ ﺟﻔﻚ
ﺗﻮﻗﻒ ﺇﺗﺼﻠﻲ ﺟﻤﺎﻋﻪ ﻭ ﺇﺣﻨﻪ ﺧﻠﻔﻚ
ﻳﻤﺘﻪ ﺑﻴﻮﻣﻚ ﺗﺮﺩ ﺗﺤﻲ ﺍﻟﻤﻬﺞ ... ﻳﻤﺘﻪ
ﻳﺎ ﺳﻴﺪﻱ ﻳﻮﻡ ﺍﻟﻔﺮﺝ ... ﻳﻤﺘﻪ
ﻧﺘﻬﻨﻪ ﻭ ﺇﻧﺸﻮﻑ ﺍﻟﻨﺼﺮ ... ﻭﻳﻨﻚ

 

للشاعر:ميرزا عادل اشکنانی