علامات الفجر (مكتوبة) - باسم الكربلائي

یا علی لاحت علامات الفجر...و الوعد ینتظرک بفارغ صبر
تسجد الفرض الصبح...ینزف براسک جرح...علی 
یا علی صوت المؤذن کبّر و حان الوعد...صلی فرض الحق یحیدر و اسجد الواحد أحد
عاهدت و الصادق انت الما خلف یوم العهد...یا علی الله و رسوله بفضلک و حقک شهد
بالدعاء اتقضی لیلک من یجن...تارک الدنیه و ضمیرک مطمئن
للفخر أعظم صرح...ینزف براسک جرح...علی 
انت من یوم الولادة عندک بأمرک علم...عایش بحلم التلاقی و تنتظر وعد الحلم
طلعت اویاک الکواکب و بمصیرک محتزم...شاءت القدرة بصلاتک باقی عمرک ینختم
و السماء اتنادی یا خیر العمل...هذا وحی الله اعله محرابک نزل
یاخذ الدم الیسح...ینزف براسک جرح...علی
خاشع لله بسجودک و القدر حل موعده...انشلت ایمین المرادی سیفه لمن جرّده
بالغدر جازه حنانک یا علی اعلیک اعتده...و الوحی یبجی و ینادی انهدمت أرکان الهده
أحمر اللیلة انقلب لون السمه...و انسفک فوق الأرض أطهر دمه
صابک الخان الملح...ینزف براسک جرح...علی
ریتک اتشوف الیتامه من وصل لیها الخبر...هذا یا بویة ینادی و ذاک لجذامه اتعثر
واحد الواحد یقله ریته ینجه من الخطر...یا علی و یم باب دارک بیهم الخوف استقر
و الطبیب ابدمعة اعیونه اکتفه...یعنی جرحک ماله طیبه و لا شفه
وسفه یالقلبک سمح...ینزف براسک جرح...علی
لو دواک انعرفه عدنه نرکض الدارک سوه...کل محب قلبه اعله جفه الجرحک ایقدمه دوه
یا علی و بجالک احنه نشتم براحه الهوه...تظلم اعلینه بحزنها الدنیه التودع الضوه
و البجی اعله امصیبتک ما ینقطع...و الیتیم اشیمتلک غیر الدمع
و الزمن منه اشیصح...ینزف براسک جرح...علی
راسک العالی بشموخه أعله من جرح الزمن...حامی جارک یبقه طبعک و الصبور الممتحن
شیعتک ندری بولائک یا علی غالی الثمن...عینک اتشوف الضحایه الوصلتک یا بالحسن
و التوابیت اعله بابک کل وکت...عذرک اینادی المحب لو قصرت
فدوه دونک ننذبح...ینزف براسک جرح...علی
یا علی الیدری بمحلک ما کو غیرک من یحل...قلی یا خوف الیغیره و عن درب حبک یزل
مستعد لجلک یضحی حته البلمهده طفل...شیعتک احنه اعله حبک لا نساوم لا نذل
وبرجال الغیرة تنزل کربله...قافلة برایتها تتبع قافلة
لا تنازل لا صلح...ینزف براسک جرح...علی 
احنه تربیت الذبیح الدمه عالسیف انتصر...و الکتب أروع عبارة للوفه ابدم النحر
و أصبحت للعزة آیة و خالدة بطول الدهر...و بعزم کل شیعی نشمی تلقه عباس القمر
بعده خالد موقف حسین الأبی...خلی یسمع کل وهابی و ناصبی
یا علی رمز المدح...ینزف براسک جرح...علی

للشاعر: السید سعید الصافی الرمیثی