يا صادق أهل البيت (مكتوبة) - باسم الكربلائي
منذ ١٠ أشهر١٤٩مشاهده|1
لطمية يا صادق أهل البيت مكتوبة
الرادود باسم الكربلائي
يا صادق أهل البيت...منعوني ما صليت
و بدمعتي اتوضيت...من أذّن الآذان
من الطفولة ابهالحلم عايش هواك ابقصتي
كلما أصلي اعله النبي صلت ابحبك دمعتي
يالصادق و اسمك أبد ما يوم فارق شفتي
اوقف و أوزرك من بعد مقبولة أشوف ازيارتي
و القبرك أتعناك...قبة و ضريح ألقاك
ما أدري بالعاداك...ما راد إلك عنوان
قلت اليحب لازم يمر ميخلي روحه امحيرة
و يشوف خلانه المشت عرسان لرض المقبرة
يتخله عن دنيه العدم و يخلي خده اعله الثرة
و يقول لو يبقه البشر و الله جا ظل حيدرة
لو يبقه حي بالناس...جا ظل علي و عباس
و لا بالطفوف انداس...سبط النبي عطشان
لرض البقيع اتوجهت للصادق أحضن تربته
شميت بيه ريحة علي و ريحة الزهرة بريحته
لا شفت قبة و لا صحن بس الوجوه البغضته
يا هو الهدم قبرك صحت يا إيد هاي الخانته
يا قبرك المهدوم...يشهد متت مظلوم
لو ما انت يا معصوم...ما ينقره القرآن
شفت العجب لمن شفت هدم القبور الأربعة
و الزهرة مدري ابيا كتر برض البقيع امودعه
كل شيعي بيه غيرة علي ما أشوف يصبر مدمعه
لو شاف هيج ابلا قبر أم الوقف عالمشرعة
أم البنين انشوف...محد عليها ايطوف
و هذا الحقد مكشوف...عادة بني سفيان
يا حيف لشباه البشر أرض المكارم تنسبي
و اليحرس أنوار الأمم كافر لعين و ناصبي
مشرك يقلك لو سمع واقف تصلي اعله النبي
عجل فرج موله العصر يا رب أريدن مطلبي
يا ربي كون ايعود...بينه الزمان اردود
ويه الإمام اجنود...و انحارب الطغيان
يالمهدي تبقه اليا وكت روضة أجدادك مظلمة
و اليا وكت يبقه الأمر بيد الأيادي المجرمة
يالمهدي تبقه اليا زمن هاي الرعاع الآثمة
ابيوت أبوهم من ذهب و ابيوت أبوك امهدمة
أهل الظلم بقصور...و أهل البقيع اقبور
قوم اكشف المستور...خل تنتهي التيجان
نسكت نموت من القهر نحجي بظلمهم نبتلي
يدرون ما تنذل أبد ربك خلق شيعة علي
فضحتهم أفعال الغدر و الحق ظهر واضح جلي
صاروا ولاة ابلا أمر من دروا بس حيدر ولي
حكم الظلم منعاد...خله العبيد أسياد
و انعادت الأحقاد...ضد سيد الأكوان
يالقلت عالصادق بشر مثلك و منزل ما إله
لو بشر مثلك ما نزل جبريل يخدم منزله
جده النبي و حيدر علي جدك يزيد و حرمله
غصبن عليك ايظل شمس نور البقيع و كربله
ما يطفه هذا النور...غصبن عليك انزور
بيك الزمان ايدور...و يبين الخسران
للشاعر: ناظم الحاشي
التعلیقات