صرختنه (مكتوبة) - باسم الكربلائي

 

 

اطلع من لطم و ادخل لطم ثاني
و الطم ع الضلع بس حيل أذاني

صرختنه آه يا حسين
دمعتنه اه يا حسين

ايدي اعلى الضلوع و امشي محنيه
و افتر من حسينية لحسينية
يالرايد تجيني و تسأل اعليه
على باب الحسينيات تلگاني

بكل مجلس عزا تلگاني متحيره
ايدي ع الضلوع و أيد ع السطره
الخطيب يبچي عيني لو ناعي يقره
و انا صوت النواعي يهيج احزاني

و الرادود يقره و عيني سچابه
اشم عطر الخدم من ريحة ثيابه
احب اليقره آه يا حسين و مصابه
هنياله الـ على المذبوح بچاني

احب كلمن يصيح بصوته يا زينب
مأجور الخدمنه و گال ما اتعب
أحب كلمن على راعي العلم ينحب
مأجور الذي بــ عباس واساني

كل مجلس بسمنا انعقدت ايامه
تتمنى الملائك كون خدامه
تنزل حملة عرش الله لطامه
ملك تلگاه يلطم لازم الثاني

خدمنه بكل عزيه ما نخليهم
انا و ام البنين نمر ترى بيهم
واحد واحد نسجل اساميهم
اشلون انسى الذي ما لحظه ينساني

خدمنه بالقيامه نوگف بصفهم
من جرح الرؤوس اهناك نعرفهم
حيدر ع الصراط يلزم بچفهم
و اليوگع ارفعه من الجحيم آني

صرختنه آه يا حسين

 

للشاعر : كرار حيدر الخفاجي