وداع الأكبر (مكتوبة) - باسم الكربلائي

 

 

تتراجف الخيمه ابوداع الأکبر و لیلی
یسمعهم احسین و تِهَدم عل ولد حیله
عطشان ... حیران

یسمع تگول الوالده یا ولیدي إشبگني
و أترک قمیصک ذکری یابني من تفارگني
بي ریحتک أشتم یا غالي دمعي یخنگني
أدري تروح و سفرتک یالرایح اطویله
عطشان ... حیران

من الخیم راح و وگف جدام أبوالیمه
راید یودعه و زینب من الخیمه اجت یمه
ناداها راح استشهد و فرحیلي یا عمه
یبچیلها مره و بعد مرات تبچیله
عطشان ... حیران

طب للحرایب و النزال اشتد علی الأکبر
لن طاح من فوگ المهر و ابهامته امطبر
مفروش خده اعلی تراب و حالته تقهر
تعنی لأبو صوب المعارک حاول ایشیله
عطشان ... حیران

جابه و رجع للخیمه یمشي و الجفن یدمع
یاویلي طلعت لیلی تمشي تعثر و توگع
ناداها عل دنیه العفه اولیدچ اتگطع
فوگاها طاحت حایره مهضومه تشکیله
عطشان ... حیران

تتمدد ابصفه و تون و اتشابگه ابهمها
و اتقبل اجروحه و الجروح القبله تلچمها
تلزم چفوفه و تحتضنها و تگعد اتشمها
عن الربه و سهر اللیالي اتگوم تحچیله
عطشان ... حیران

رمله و رباب و زینب ایریدن یصبرنها
من فوگ جسم اولیدها گامن یوخرنها
صبغت وجهها ابدم ابنها عل ینظرنها
تکسر گلبهن و الدمع عل رایح اتسیله
عطشان ... حیران

صاحت یا یمه اشلون بعدک خاف یسبوني
عل ناگه اصیحن یا علي لمن یضربوني
ترضاها یمه من السیاط اتورم امتوني
بغیابکم ماظل کفیل الیحرس العیله
عطشان ... حیران

 

للشاعر : کرار حيدر الخفاجي