دواهي الزمن (مكتوبة) - باسم الكربلائي
منذ ١٠ أشهر١٥٩مشاهده|1
لطمية دواهي الزمن مكتوبة
الرادود باسم الكربلائي
يا دواهي الزمن ادري بالمعظله
يجري دم الحسن من نهركربلا
حرگ نیران الخیام الوصفوها
والمناحر عالرماح العلگوها
والچفوف العالفرات الگطعوها
کلها وي چبدالحسن تنزف لگوها
ونکشف للعلن .. جوهر المسألة
يجري دم الحسن من نهر كربلا
الحسن يدري بكربلاولوعةالمها
گبل لاتحترگ شم ریحةخيمها
وال هاشم بالطف يجري دمها
عالرماح الروس ماتخلف قسمها
يدري يتيسرن .. حرم بالقافله
يجري دم الحسن .. من نهر كربلا
من فتح عينه الحسن بعيونه دمعه
وبكسر ظلع امة چن مکسور ظلعه
امه شمعة ومابقت بالبیت شمعه
واليتيم اليفگد امه من یسمعه
من تمر المحن .. ياهو يتكفله
يجري دم الحسن .. من نهركربلا
يذكر امه شلون من مدتله اديها
من لهيب النار مايگدر یجیها
شلون ینساها المصیبة العاش بیها
شلون ینساها المصیبة العاش بیها
وچان یم الباب من دفعوا علیها
شاف نارالفتن .. محسن وقاتله
يجري دم الحسن .. من نهركربلا
شاف موت المحسن بحقد الخليفه
عاف حكم الله فرض حكم سقيفه
شاف كل غدر الايادي مو نظيفه
الفضلت ملعون عالعترة الشريفه
ضد علي بلا رهن .. غاية المشكله
يجري دم الحسن .. من نهركربلا
بطبرة المحراب من ودع حبيبه
صاح الله يعين زينب عالمصيبه
شلون بالطف تبقه مسببه وغريبه
تشوف خوها حسين بالجثة السليبه
عالثره بلا چفن .. راسه مانزله
يجري دم الحسن .. من نهر كربله
مانزع راس الحسن تاج الامامة
ولاتنازل عن عرش جده ومقامه
مثله حاكم ماشفه حارب منامه
خاف ضلت جايعه بطون اليتامه
بعينه ما مروسن .. لجل ناسه وهله
يجري دم الحسن .. من نهر كربله
لاتلوم الحسن لوعاف السياسه
الف لون يشوف گام وجوه ناسه
الحسن مادور عالافواج وحراسه
لامشه ورافع عله الیمشون راسه
بالتراب اندفن .. بس مقامه اعتله
يجري دم الحسن .. من نهر كربلا
للشاعر: ناظم الحاشي
التعلیقات