صرخة ألم (مكتوبة) - باسم الكربلائي

 

 

بالأرض جن و إنس
طلعت اتشيع الشمس
للحزن صرخة ألم ضجت بالآفاق
يا علي ودع رسول الحب و الأخلاق
طه طه 

ندري جرحك ينلجم لمن نلمسه
و انت بن عم الرسول و انت نفسه
يالنهارك مظلم و يبجي اعله أمسه
يا نهار الوجه يضوي ابلايه شمسه
نعشه لمن ينحمل
رحمة الله ترتحل
للبشر شوفت محمد باب الأرزاق
يا علي ودع رسول الحب والأخلاق
طه طه 

يالتريد ابغسله و بدفنه اليعينك
هذا جبرائيل انظره عن يمينك
و بيسارك صبرك اتشوفه و يقينك
يا أسد خيبر تصيح الدنية وينك
ساعة الشال النعش
جسم أبو حسين ارتعش
و المنادي للحبيب الباري مشتاق
ياعلي ودع رسول الحب و الاخلاق
طه طه 

يالكسر رسول الله برحيله
ليلة اوداعه اعله قلبك أقسه ليله
ايعين الله اليدفن بإيده خليله
و التراب ابيا صبر يا جف يهيله
يالردت مني الصبر
شلي بعدك بالعمر
ياللي شمسك غابت بساعات الإشراق
يا علي ودع رسول الحب والاخلاق
طه طه

ودعك طه و جنت تسمع كلامه
ايقلك الدين بفضل حبك تمامه
و الله لو جان الأمر بيدك زمامه
جانت اتعيش البشر كلها بسلامه
عادل ابحكم العدل
شعرة سيفك ما يزل
يا من الكل معضلة كل شدة سبّاق
يا علي ودع رسول الحب و الأخلاق
طه طه

انت قلت له بعيني يا سيد البرية
كلي طاعة اشما توصيني بوصية
عندي يا من رايد اتودع الزجية
لا تغمد سيفي و اتقيد ايدية
عندي بس هذا الطلب
و الأجل وعده اقترب
قلي شيضم لي الزمن واكشف لي الأوراق
يا علي ودع رسول الحب و الأخلاق
طه طه

قيّدت عزمك ابن عمك وصيته
و انت اليخاف الهوه ايمر اعله بيته
بابك بعينك شفت نار بثنيته
و انت باب المحد ايهزه دحيته
فاطمه اتهل الدمع
و انكسر منها الضلع
سطرة الخد جرحت من عدها الأحداق
يا علي ودع رسول الحب و الأخلاق
طه طه

نادتك ما يختلط شك يقيني
من أصيحن يا علي مسرع تجيني
و العجب ما هزتك طيحت جنيني
و انت تنظر حالتي تسمع ونيني
و العذر مو شيمتك
ياللي أسمع حسرتك
آني بعيونك شفت دمعات الإشفاق
يا علي ودع رسول الحب و الأخلاق
طه طه

و من إجت للمسجد بحيرة أمرها
يا علي منحنية من شدة كسرها
جف دفعها و جف عله الحايط عصرها
جف طفه اعيون الوديعة من سطرها
يا علي البيك انتخت
عنك اتحامي إجت
المثلك امقيد وسافة اتشوفه ينساق
يا علي ودع رسول الحب و الأخلاق
طه طه

 

للشاعر : سيد سعيد الصافي