البحر من شافك (مكتوبة) - باسم الكربلائي

البحر من شافك *** غرگ بلطافك
يسيد امحمد *** ماينرد *** كلمن قصدلك
لذت بعتابك ***دخيل اترابك
المعاجز تشهد *** ماينرد *** كلمن قصدلك
الكرم مشهود *** يجود الجود *** دخيل اترابك

محجوب محجوب **اوبيك الباري جاعل سره مكتوم
يعسوب يعسوب **سبع تحمي الدجيل او حدها ملزوم
محسوب محسوب**نجمه ابيت چانوا كلهم انجوم
منسوب منسوب **لمعصوم ابن معصوم ابن معصوم

كبرنا ابزادك *** دخيل اجدادك
خدم تدرينه *** خلينه *** دوم ابخدمتك
قسم بالغربه *** او زراق القبه
تحن اعلينه *** خلينه *** دوم ابخدمتك
ابحماك انذود *** يجود الجود *** دخيل اترابك

البحر من شافك *** غرگ بلطافك
يسيد امحمد *** ماينرد *** كلمن قصدلك
لذت بعتابك *** دخيل اترابك
المعاجز تشهد *** ماينرد *** كلمن قصدلك
الكرم مشهود *** يجود الجود *** دخيل اترابك

بالجود بالجود**لا حاتم ولا كعب ابن مامه
مشهود مشهود ** الكرم بس للبني هاشم عمامه
محمود محمود **وانته ابن التضلل بالغمامه
مگصود مگصود**النار ابحضرتك برد اوسلامه

اليجيلك مره *** تردها ابعشره
يكبر احظوظه *** والروضه *** محروسه بسمك
يليث الغابه *** الاسود اتهابه
بلد محفوظة *** والروضه *** محروسه بسمك
اسد صايود *** يجود الجود *** دخيل اترابك

البحر من شافك *** غرگ بلطافك
يسيد امحمد *** ماينرد *** كلمن قصدلك
لذت بعتابك *** دخيل اترابك
المعاجز تشهد *** ماينرد *** كلمن گصدلك
الكرم مشهود *** يجود الجود *** دخيل اترابك

متعوف متعوف ** الدگ بابك او حاشه لگلبه تكسر
لچفوف لچفوف ** شبه غرگانه عالقبه تأشر
موصوف موصوف** بخيت لصاحب الحاجه او تشور
معروف معروف ** گبل لا گول أريد اتگلي ابشر

شكيتك حالي *** گلت لا اتبالي
ترد اعليه *** مگضيه *** واتگلي تمت
المشاكل كثره *** اوتحله ابنظره
جوابك ليه *** مگضيه *** واتگلي تمت
كفو ابهالزود *** يجود الجود *** دخيل اترابك

البحر من شافك *** غرگ بلطافك
يسيد امحمد *** ماينرد *** كلمن قصدلك
لذت بعتابك *** دخيل اترابك
المعاجز تشهد *** ماينرد *** كلمن قصدلك
الكرم مشهود *** يجود الجود *** دخيل اترابك

لگلوب لگلوب ** اتهابك وابمقامك كلها تعرف
مهيوب مهيوب ** يبو الشارات حي ميت تخوف
چم دوب چم دوب ** اليچذب ابعمك انخليه يحلف
وايتوب وايتوب ** اسمك بس نجيبه ايگوم يرجف

اليبوگ اتشوفه *** اوتگص اچفوفه
تحرگه ابنارك *** والزارك *** تاخذله حگه
الك چم حوبه *** قصص مكتوبه
التعنه الدارك *** والزارك *** تاخذله حگه
ابمرامه يعود *** يجود الجود *** دخيل اترابك

البحر من شافك *** غرگ بلطافك
يسيد احمد *** ماينرد *** كلمن قصدلك
لذت بعتابك *** دخيل اترابك
المعاجز تشهد *** ماينرد *** كلمن قصدلك
الكرم مشهود *** يجود الجود *** دخيل اترابك

مثواك مثواك ** عگب موتك تصير ادخيله لملاك
يمناك يمناك ** من شباچك اتحي اللي حياك
بحماك بحماك** الاقاليم السبع والسبع الافلاك
شفناك شفناك ** ابو فاضل زمانك واعتنيناك

مزارك جنه *** مقامك جنه
الانس والجنه *** تتعنه *** او تمشي الضريحك
المذاهب كلها *** اذا نسألها
نشوف السنه *** تتعنه *** او تمشي الضريحك
تجيك اوفود *** يجود الجود *** دخيل اترابك

البحر من شافك *** غرگ بلطافك
يسيد امحمد *** ماينرد *** كلمن قصدلك
لذت بعتابك *** دخيل اترابك
المعاجز تشهد *** ماينرد *** كلمن قصدلك
الكرم والجود *** يجود الجود *** دخيل اترابك

چم اه چم اه ** تجرها امن الصدر لله درك
ويلاه ويلاه ** تموت او اربعه او عشرين عمرك
احاه احاه ** لو ابچي دمه لمن اذكرك
والله والله ** يبو جعفر فلا اوفيك قدرك

الشبابك انعي *** واهشم ضلعهي
اللطم بچفوفي *** مايوفي *** حگك عليه
شتفيد العبره *** لمصاب العتره
البچي ياخوفي *** مايوفي *** حگك عليه
الچبد ممرود *** يجود الجود *** دخيل اترابك

البحر من شافك *** غرگ بلطافك
يسيد امحمد *** ماينرد *** كلمن قصدلك
لذت بعتابك *** دخيل اترابك
المعاجز تشهد *** ماينرد *** كلمن قصدلك
الكرم والجود *** يجود الجود *** دخيل اترابك

ماذيك ماذيك ** المعتز لا أعز الله قدره
يرميك يرميك ** قوس النايبه بسهام غدره
واعليك واعليك ** اخوك العسكري مكسور ضهره
يبچيك يبچيك ** او عمرك صار بالزهره يذكره

بچه واتذكر *** الضلعها اتكسر
ابزغرها الزهره *** والعصره *** اخذت عمره
غده يتجسد *** متنها الاسود
بچه اعله السطره *** والعصره *** اخذت عمرها
ابعمر الورود *** يجود الجود *** دخيل اترابك

البحر من شافك *** غرگ بلطافك
يسيد امحمد *** ماينرد *** كلمن قصدلك
لذت بعتابك *** دخيل اترابك
المعاجز تشهد *** ماينرد *** كلمن قصدلك
الكرم والجود *** يجود الجود *** دخيل اترابك

 

للشاعر: ميرزا عادل اشكناني