يا فاطمة قومي (مكتوبة) - باسم الكربلائي

 

 

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

يالزهره قومي واعلني حدادچ
نزعي البياض او ارتدي سوادچ
واسي ابوچ المصطفى ابمصابه
ابطيحة عمد بيت الوحي او عمادچ
ايده اليمين او صاحبة طريجه
حگه العرش يشگ عليها زيجه
عشرة عمر عاشوها والنهايه
حال الاجل بين النبي وخديجه
آه لدهر فرق الاحبه
والله فقد نحب غربه
لو كان في الضلع التهاب النار
هل ينطفئ بعبرة الجفون

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

عام الحزن يا حسرته الثجيله
بيه انكسر ظهر النبي لكفيله
بيه المحب ايودع اليحبه
او بيه الخليل ايفارگه خليله
ابچفه جسد ام بضعته ايتوسد
نام ابگبرهه المصطفى اوتمدد
نگع چفنها ابدمعته الجريه
وايگلها حاچيني انا محمد
لنوحه قد ناحت الملائك
وضجت الحور على الارائك
قد فارقته جدة الائمه
فالتنحب الاكوان بالشجون

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

امچ تراهي ابساعة المنيه
بسمچ يزهره تركت الوصيه
دارت لبوچ اوگالت ابدمعها
يالهادي هالله هالله بالزچيه
وصي الصحابه ابفاطمه او امرها
خوفي تجيني او منخسف صدرها
خوفي اثر اصابع اعله خدها
يبقى من الچف الذي سطرها
انذرهم يا ايها النذير
كي لا ترى وضلعها كسير
خوفي بأن تموت في أساها
من لطمهم محمرة العيون

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

مريم عصرها واسيا زمنها
نالت كرامه من قبل دفنها
رادت چفن بي تنزل الگبرها
واصبح رداء المصطفى چفنها
اول چفن من النبي تگدر
والثاني جبرائيل بي تحدر
ابفردوس الاعلى عاقبتها صارت
هناك قصرها من زبرجد اخضر
اكفانها حيكت بخيط النور
ما مر مثله مدى الدهور
كانت لها من ربها هديه
فهي لها شأن من الشؤون

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

ابدال الچفن صار لخديجه اثنين
يا ريت ودت واحد اويه الحسين
يستر بدن عاري اعله الوطيه
سلبوا قميصه او ظل بلايه تچفين
حر الشمس ذوب يزهره خده
او من حرمله سهم المرد چبده
يم الحسن گومي لگبر عزيزچ
نصبي البواچي والمناحه عنده
يا فاطمه قومي الى الطفوف
هذا حسين طعمة السيوف
الارض تبكي والسما وا ويلا
فزينب مسودة المتون

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

انتو ثلث ايتام وابقهركم
شفتوا اليتم يافاطمه ابزغركم
ياللأسف جار الزمن عليكم
اوما انصف اوياكم ابد دهركم
اول يتيمه انتي او فگدتي خيمه
ابموتة خديجه عشتي بالهضيمه
او ثاني يتيمه بنتچ التشبهچ
من الزغر زينب صفت يتيمه
وثالث الايتام يا زكيه
بنت ثلاث اسمها رقيه
ضمت ابا في طشت ذبيحا
صاحت على وريده دعوني

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

عوضها الله بخاتمة صبرها
اوخلاها امچ وارتفع قدرها
لاچن يزهره بغضا لمقامچ
اهل السقيفه هدموا گبرها
گالوا خديجه امنه واحنه نعلم
عدهم سميه من خديجه اعظم
والصادق ابكلامه خل يجاوب
هم يرضه مرقد امه لو تهدم
جريرة ما مثلها جريرة
اين اولو الالباب والبصيره
بأسمهم قد حاربو خديجه
والقوم نفس القوم بالضغون

يا فاطمة قومي الى الحجون
ذي امك واردة المنون
الارض تبكي وا اماه
فابكي لها بالمدمع الهتون

 

للشاعر: ميرزا عادل اشكناني