أما والله - شبكة رافـد للتنمية الثقافية

اما والله الذي بيده .. ودايع نفسي واقداري

انا لوماعهد معهود .. مازعلت فقاري

علي ويعرفني كل سياف .. ليش اتلقبت حيدر !

الهتك داري علم عنده .. بوصيتي والا مايكدر

جنت علمته واتباعه .. شنو معناة خط احمر

اذا بس ينعبر هالخط .. اجرد صارمي الابشط

على ركاب العده ينحط .. من اولهم لآخرهم

ذبايح يم عتب داري

النظرني مكيد وناشد .. عجيبة مايقاومهم !

انا لو ما العهد والله .. جا قالع جماجمهم

ولا للزهره مأتم صار .. وجا كثرت مآتمهم

كبل ما هالضلع ينمس .. اخلي السيف يتنفس

تريد اذبح بعد لو بس .. اكله واجبر الخاطر

واشبع حلك بتاري

صبرت وصبرت سيفي .. وعشت ومعاشر احزاني

بضميري الثار مايسكت .. ولا فد لحظة خلاني

تغيب ام الحسن عني .. واشوف كبالي عدواني

العدو يمشي ويمر يمي .. اشوفه ويحترك دمي

يهيج بالكلب همي .. هذا الي عصرها وذاك

لطمها والدمع جاري

ابصدري وما شفيت الغل .. ودمعتي تحفر بخدي

اصد للسيف واتخيل .. على القبضة امد يدي

واكولن ياعلي اصبر .. ثارك يطلبه المهدي

وحك ضلع الطهر فاطم .. وعد من يظهر القائم

يجيهم غاضب وناقم .. ابيا للثار صرخاته

نفس سيفي ونفس ناري

ابو صالح وريث الدم .. عليهم يبرق ويرعد

يرجف الظالم ابموته .. يكله من الكبر اكعد

قصاص تشوفه عين الناس .. باجر من يجي الموعد

مكان الموعد الشجره .. وما ادراهم اشيجره !

منو بنار الغظه ايشجره .. يكول اسمه وشنو جرمه

يحركه وياخذ بثاري

للشاعر: علي السقاي

أما والله (مكتوبة) - باسم الكربلائي