ثار البتول - شبكة رافـد للتنمية الثقافية

ثار البتول شلون انساه !

قرب ظهوري واطلب ابثار
والباب بعده مشتعل نار
اشهد على الظالم يبسمار

ماماتت الزهراء لولاه

ثار البتول شلون انساه !

مايبقى هذا دوم الغياب
واني بظهوري يبدي الحساب
والإيد اكصها الدفعت الباب

والثاني يندم على السواه

ثار البتول شلون انساه !

ماخلي ضلع الزهره مكسور
ولاخلي دم حسين مهدور
اظهر وارجع ثار عاشور

عباس ارد يسرا ويمناه

ثار البتول شلون انساه !

هيهات عيني تاخذ النوم
والحسن كبره باقي مهدوم
ماخلي حكم الظالم يدوم

اظهر وظلمه ينتهي وياه

ثار البتول شلون انساه !

كبر امي فاطم لازم ابنيه
كل شيعي كبر الزهره ادليه
ننصب عزاء ام الحسن بيه

ونصيح كبر الزهره زرناه

ثار البتول شلون انساه !

ابني البقيع ولازم يعود
كبه ومناير واني موجود
المهدي اني وشيعتي جنود

كلمن تحدانه انتحداه

ثار البتول شلون انساه !

اتعنه زينب والله للشام
يلي سهرتي ايام وايام
هالمره عينج واجب تنام

ابنج المهدي الثار رداه

ثار البتول شلون انساه !

يل كلتو بدعه المهدي تدرون
من عندي باجر ماتخلصون
كلمن نكرني هذا ملعون

ويه السقيفة النار مثواه

ثار البتول شلون انساه !

للشاعر : ناظم الحاشي

ثار البتول (مكتوبة) - باسم الكربلائي