وحشه دارك - شبكة رافـد للتنمية الثقافية

وحشـه دارك هالمسيه ومُظلمه

وإنطفـت شمعـة حياتك فاطمه

مُـظـلِـمـه دارك يحـمّاي الدخيل

وحَسْرِتـك بالروح يا حيدر تعيل

يلي منّـك تـرْجــف الدنيا وتـميل

اشلون دمعك سال يا حامي الحمه

سال دمعك من بَـعَــد فگد البتول

هالمسه روحك يبو اليمه اشتگول ؟

ضاگــت الدنيا وگظت كل الحلول

بالگلب نيرانْ حِزنك مُضرِمه

مُضرِمَه وابگلبك آهات او شَجَـنْ

من تشوف اعيالكْ حسين وحسن

وزيـنـب الـما ظن مصايبـهـا گِـظَنْ

ايعينك الله بهالمُصاب ومَقْدَمه

وحشه دارك يلي عينك ما غُـفت

حيف شمعـتْ بيتك الزهره طُفت

فجعه ماظن بالأوصاف اتوصُفَت

رِجَفْ منها الكون وٱهتز عالَمَه

ِرِجَـفْ منها الكون من گد الحزن

وبالأخـص من صار بالسرّ الدفـن

ليلك ابنـوح ومواجــع مِنْ يـجِـنْ

إنته واعيـال الغِدَتْ مِـتْـيـتِّـمه

كل كِـتـر ذكرى إلك يا حيدره

ذكريات ادمـوع صارن عالجره

صعبه من گلبك يودع الطاهره

مو فقط للماي يشـتـد الظمه

للشاعر : عمار هليل الواسطي

وحشه دارك (مكتوبة) - باسم الكربلائي