ودعتهم (مكتوبة) - باسم الكربلائي
منذ ٩ أشهر١٧٠مشاهده|1
لطمية ودعتهم مكتوبة
الرادود باسم الكربلائي
ودعتهم موادع الدم الوريده
ودعتهم قلب يدفن حبه بيده
ودعتهم هاي مشكلتي الوحيده
ودعتهم
ابد ما جان بخيالي ادفن بديه
شمس كل يوم الصبح تطلع عليه
شلون يرجع لي اليروح بغير جيه
والله حيرة ادفن وجه ماليني ضيه
والله حيرة ... شلون ارد للدار وحدي
والله حيرة ... اترك اغلى احباب عندي
والله حيرة ... و اليروح شلون اعيده
ودعتهم
قمت امر بترابهم و اشتم عطرهم
و اسأل تراب القبر يوميه عنهم
بعده لون الورد مرسوم ابوجههم
لو ترابك يا قبر غير شكلهم
رد عليه ... يا علي التنشدني عنها
رد عليه ... شرفت قاعي ابدنها
رد عليه ... روح اخذ ثار الشهيده
ودعتهم
باب خيبر وحدي جريته و قلعته
صار نصين و جسد مرحب شطرته
هسه نص رغيف يابس ما كسرته
طاح سيفي و ردت ارفعه و ما رفعته
ﻻ تقلي ... العين لو فقدت بصرها
ﻻ تقلي ... يعود بالهين نظرها
ﻻ تقلي ... ترجع ايامك سعيده
ودعتهم
همه العيون الاشوفه الدنيه بيها
و الجفوف الينتجي الطايح عليها
شلون تعبر روحي الاحزان التجيها
هيه جثة بنص بحر ميتات اديها
انه منهم ... قمت ما اشوف اليجيني
انه منهم ... شوف ما شبعانه عيني
انه منهم ... للحزن كل يوم ازيده
ودعتهم
آنه ابو الحسنين هذا الماكو مثلي
بالحروب يصير مثل الأسد شكلي
ودعت فاطم و ابوها و مال حملي
الدمعة خافت تنزل و قلتلها نزلي
من اجلهم ... نزلت ادموعي اعله خدي
من اجلهم ... رجعت سيفي اعله غمدي
من اجلهم ... ما خذت حقي الاريده
ودعتهم
وحدي و ايام الحزن كلهن لفني
و المصايب للمصايب سَلِّمَنِي
بعد ما محتاج تسأل غيري عني
يا عطر شايل حزن بي ريحة مني
حالة صعبة ... يا منام يمر عليه
حالة صعبة ... واني دافنهم بديه
حالة صعبة ... دورهم صارت بعيده
ودعتهم
حتى ما قالولي راح نروح عنك
أجمل أيام العمر ناخذها منك
اتحضرلهن قالوا ايام اليجنك
وحدك و محني الظهر و استفردنك
فارقوني ... و بتدت بيه المواجع
فارقوني ... اني لاول صرت رابع
فارقوني ... و انهتك ستر العقيده
ودعتهم
للشاعر : ناظم الحاشي
التعلیقات