طلب واحد (مكتوبة) - باسم الكربلائي
منذ ١٠ أشهر٢٠٣مشاهده|1
لطمية طلب واحد مكتوبة
الرادود باسم الكربلائي
طلب واحد يدنيانه
تدليني اعله عنوانه
عهد بينج و بيني
اشوفه و اخذي عيني
ضايع و ادور من زغر
ماكو و لا حتى خبر
و اليلوي ذرعانه العطش
يتحلم بشوفة نهر
و الظلمه شامت مختفي
تضحك على الضيع قمر
قالولي أيس يالوفي
ما تلقه للضايع اثر
وصل وني السمه السابع
اكو عدنه قبر ضايع
بده يكثر حنيني
أشوفه واخذي عيني
عالفرقه و الهم و الحزن
ما يحتمل قلب الوفي
اتلفت بوادي الحزن
ظليت اشب و انطفي
مره اصيح امن الالم
بله يدنيانيه انصفي
مره اصيحن يا علي
ليش القبر ظل مختفي
يبو الحملة بقت حسرة
ازور ام الحسن مره
خلص عمري بونيني
اشوفه و اخذي عيني
زرت المدينه و دورت
مثل الذي يدور هوه
يم النبي لمن رحت
شفت الشمع ما بي ضوه
بأرض البقيع الينجرح
ما يحصل الجرحه دوه
لقبر الحسن صار الامل
معقوله دفنوهم سوه
يبو القاسم عليك امك
اكو الها قبر يمك
يدنيه طمنيني
اشوفه و إخذي عيني
رديت اعاتب و الجرح
بس ما بده اعتابي نزف
لمن وقعت امن التعب
ظليت احس كلشي اختلف
و الواقع اوياي انصدم
و الصحره كالتلي وسف
وين القبر يا بو الحسن
جيتك ادور بالنجف
علي ياللي همت بيها
بعيده ما تخليها
ادور كل سنيني
اشوفه و اخذي عيني
*****
ظليت احوم بحظرتك
و انده يحماي الحمه
يا بو الترافه و الوفه
معقولة تترك فاطمه
قلبي يقلي يم علي
و النجمه ما تعوف السمه
علمني و انه وداعتك
سر القبر ما اعلمه
بقيت اتوسلك و ابجي
وحق الزهره ما احجي
دمع أده يميني
اشوفه و اخذي عيني
ماكو جواب و ايست
والكربلا قلبي قصد
يمكن قبرها ابكربلا
و الوالده تريد الولد
حلفت ابو اليمه بعلي
جاوبني مو يمي ابد
سلم عليها و تسمعك
لا تمشي و تدور بعد
على الونه تساعدها
تره امي انسطر خدها
يدينه ساعديني
اشوفه و اخذي عيني
اخر محطات الحزن
جانت مسه و نجمه ظهر
قالتلي للشام اعتني
يم زينب و عوف الصبر
لا تذكر الطف و السبي
بالك تسولف عاليسر
قالها يزينب ايست
قبر الزجيه بيا كتر
بغالتة الي انطفت عينه
تدليني القبر وينه
يحره اتحمليني
اشوفه و اخذي عيني
اسمع ونين امن القبر
و تأكدت ونة خدر
من اسمعت زينب تون
و تصورت سوط الشمر
قالتلي غايبنه يرد
و بطلعة المهدي انتظر
لازال اكو كسرت ضلع
قائمنه ظهره منكسر
ابو صالح يجي ليكم
بقبر فاطم يدليكم
اظل لمن يجيني
اشوفه و اخذي عيني
للشاعر : سيد عبدالخالق المحنه
التعلیقات