زينب وين (مكتوبة) - باسم الكربلائي

بعد گلب الدهر مابيه ماوين
على الضاعت بتالي الليل ماوين
كلشي يصيح زينب وين ماوين
أثر ما بين لبنت الزچيه

زينب وين ماخذها دهرها
حتى الگاع ماتعرف خبرها
كلشي يكول ماشايف اثرها
زينب وين

جاري الماي صاح هواي
ضاعت ليش يا دنياي
زينب هاي
يا دخان يا ظلام يا تراب يا خيام
كل مكان دَورو زين عالفرات مرتين
وين تروح لازم يم أخوها
لا هيهات ترجع يم أبوها
هيه هناك لكن ما لگوها
راحت وين

غيمه تگول من مسؤول
ماتت لا مو معقول مو مقبول
يا رماد يا سواد يا طيور يا جماد
ياطفوف ياسيوف يارماح ياحتوف
إصغوا هنا إصابه تخفي ونها
بالتأكيد يالمها متنها
ردوا بساع بس خبروني عنها
راحت وين

ظل مشغول حتى الليل
يسأل راح نجم سهيل لحظة ويل
والنجوم والغيوم ماتشوف بس تحوم
والغموض والمكان يشتكون للزمان
موجة ماي طلعت من ألمها
بلكي تشوف آثار لجدمها
بس يا حيف ماتت وي حلمها

شنهو الصار ليل اخطار
خوف بخوف ماكو أخبار ياستار
يا نسيم بله روح
بلكي ظال بيها روح
ياتلال ياظلال ماكو صوت لا خيال
بصوت الطير دورت وعفتها
والصحراء صاحت ضيعتها
والتل صاح زينب ما شفتها
راحت وين

والميمون ظل يدور
هم خجلان هم مكسور ظل مذعور
يا رمال يا سيول يا ضباب يا سهول
يا كفيل مستحيل ما لگيت أي دليل
ندمانين عضينه الأنامل
ومأيسين كافي مانحاول
يعني نگول نأسف يابو فاضل
راحت وين

هودج نور بالطف ذاك
اخت حسين بلكي هناك
زينب وين

 

للشاعر: سيد عبدالخالق المحنة