بده ما ينسمع صوتك (مكتوبة) - باسم الكربلائي

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

تريد اتروح مثل الي يروحون
بلا خيمه اليحبونك يضلون
إذا شفت الدمع أحمر بالعيون
على كثر الدمع جرحت الجفون

يبويه عاين وريدي .. واريد اتكلي يوليدي .. يبويه يبويه

وداعك شفته بعيونك .. بعد ما اسأل شلونك .. يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

بقه حيدر يباوع نحر الحسين
وابوفاضل قريب ويهمل العين
بقه هوايه يركز على الجفين
يصد لزينب ايكلها الوجه وين!

تكله ياضوه عيني .. يتيمه لاتخليني .. يبويه يبويه

شسوي بعمري من دونك .. بعد ما اسأل شلونك .. يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

يباوع زينب الضلت بلا روح
يبويه ابكربله تنتظرج اجروح
كفيلج ع النهر وحسين مذبوح
على صدره ترد الخيل وتروح

يبويه اخيولهم عشره .. تشيل اضلوعه من صدره .. يبويه يبويه

تكله خل يسمعونك .. بعد ما اسأل شلونك .. يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

يبويه حسين خليني اخبرك
طفل عندك يذبحونه اعله صدرك
كأني بيك ماواحد ينصرك
واشوفك ع الشريعة ومحني ظهرك

وابوفاضل نطا كلمه .. اضل خادم لابو اليمه .. يبويه يبويه

واخليهم يذكرونك .. بعد ما اسأل شلونك .. يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

يزينب هم اريدنج تسمعين
تره بالطف احضرج من تنادين
شمر لو شال سوطه لاتخافين
إذا طاحت امتونج لاتطيحين

تكله صدك يدنولي .. يشوفون الزلم طولي .. يبويه يبويه

يشوفوني ال يبغضونك .. بعد ما اسأل شلونك .. يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

يكلها اليوم اسمج هاشميه
تره بالطف يسمونج سبيه
وأخبرج من بعد هايه الرزيه
يسيره امكيده بديوان اميه

تسمعه وكامت وطاحت .. دخيلك ياعلي صاحت .. يبويه يبويه

إذا بالطف يذبحونك .. بعد ما اسأل شلونك .. يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

يبويه حسين جسمك من يوذروه
ثلث تيام يبقه مايواروه
يغالي وخنصرك حتماً يبتروه
بعد عندك علي بالطف يطبروه

علي الاكبر اله وكعه .. تشبكه وتنحب وتنعه .. يبويه يبويه

ضميت ومايروونك .. بعد ما اسأل شلونك يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

يبوبه في أمان الله يالأحباب
تسلمولي على الضلو على الباب
يتامه ومن يعزيهم بالمصاب
إذا سألوا عليه كولوا ماطاب

إذا سألوكم اشلوني .. اريدنهم يشيعوني .. يبويه يبويه

يتاماك ويحملونك .. بعد ما اسأل شلونك .. يبويه يبويه

بده ماينسمع صوتك .. مشه صبري وكرب موتك
.. يبويه يبويه

بقت ساعه ويشيعونك .. بعد ما اسأل شلونك
.. يبويه يبويه

 

للشاعر : السيد عبدالخالق المحنة