شعجب موتي (مكتوبة) - باسم الكربلائي

اشعجب موتي .. سمع صوتي .. وتعنالي وتعنالي

اشعجب مرني .. وتذكرني .. ونشد عني ونشد عني
الي اتعنه .. وانه المنه .. انگــطع ظني انگــطع ظني
قره جروحي .. وصبر روحي .. واثر وني واثر وني

گـــصه ابهجره .. وانه انتظره .. على بالي على بالي

اشعجب موتي ... سمع صوتي ... وتعنالي وتعنالي

ردت جيته .. تنطرته .. يريحني يريحني
احترگـ دمي .. ولاهمي .. يبارحني يبارحني
جرح گــلبي .. وگــلت ربي .. يسامحني يسامحني

جبت عمري .. ابدمع يجري .. وسگـــم حالي وسگـــم حالي

اشعجب موتي ... سمع صوتي ... وتعنالي وتعنالي

عشت وحدي .. وعلى وعدي .. بگـــه اعتابي بگـــه اعتابي
انه ابحيره .. ولاغيره .. اليدگـ بابي اليدگـ بابي
يوافيني .. ويوديني .. على احبابي على احبابي

الفخر صيتي .. وسف بيتي .. صبح خالي صبح خالي

اشعجب موتي ... سمع صوتي ... وتعنالي وتعنالي

جمر يلهب .. گــلب زينب .. على اخوتها على اخوتها
فلا هجعت .. ولا گـــطعت .. مناحتها مناحتها
حزنها ايفل .. لونها اتحل .. منيتها منيتها

ويه كافلها .. گـــبل الها .. خدر عالي خدر عالي

اشعجب موتي ... سمع صوتي ... وتعنالي وتعنالي

التكفلها .. مثل ضلها .. يباريها يباريها
لأخوها اتحن .. يموت اتظن .. يجي ليها يجي ليها
يودعها .. ويشيعها .. ويواريها ويواريها

ابدمع يسفح .. نظر يشبح .. على الغالي على الغالي

اشعجب موتي .. سمع صوتي .. وتعنالي وتعنالي

مصاب وهم .. دمع من دم .. فلا ينشف فلا ينشف
كسر خاطر .. دهر غادر .. ولا انصف ولا انصف
صحت شأنسه .. وبعد لسه .. جروح الطف جروح الطف

يلچــــمني .. ويذكرني .. بأعز والي .. بأعز والي

اشعجب موتي .. سمع صوتي .. وتعنالي وتعنالي

صبرت اشگـــد .. لمن للحد .. وصل صبري وصل صبري
ورثت امي .. ابحزن همي .. وظلم دهري وظلم دهري
ويه خواني .. ويه ولياني .. ردت گـــبري ردت گـــبري

علي صعبة .. بأرض غربة .. اندفن تالي اندفن تالي

اشعجب موتي .. سمع صوتي .. وتعنالي وتعنالي

 

للشاعر: السيد سعيد الصافي