صحوة الموت (مكتوبة) - باسم الكربلائي
منذ ١٠ أشهر١٦٣مشاهده|1
لطمية صحوة الموت مكتوبة
الرادود باسم الكربلائي
صحوة الموت والدار ضوتها بالمشاعل
عدهه خطار وتريد حضورك يابوفاضل
تره الخطار ملج الموت مو غيره
تعال وتنتهي المأساة والحيره
يابوفاضل .. يابوفاضل
زيارة موت مكروهه الزيارة
واخت عباس تحسبهه بشارة
وصل خطارها وانطة الإشارة
توضت واشعلت كل الإنارة
اجاها الضيف يتخطه الستارة
هيه اتحجبت له وبإنتظارة
واخت عباس تحسبهه بشارة
وصل خطارها وانطة الإشارة
توضت واشعلت كل الإنارة
اجاها الضيف يتخطه الستارة
هيه اتحجبت له وبإنتظارة
مرحباً بيك ياموت سعيدة بالنهاية
لازم اليوم عباس يجيها بيده راية
يعباس العمر طالت مشاويره
تعال وتنتهي المأساة والحيره
يابوفاضل .. يابوفاضل
صحوة الموت والدار ضوتها بالمشاعل
عدهه خطار وتريد حضورك يابوفاضل
تره الخطار ملج الموت مو غيره
تعال وتنتهي المأساة والحيره
يابوفاضل .. يابوفاضل
تمنت من كرب موعد اجلها
قبل عزريل يوصلها الكفلها
إذا واحد يناشد وين اهلها
تريد اتكول ابوفاضل وصلها
يكافل لون تستغرب شكلها
تره فركاك والشامت كتلها
من الطفوف لليوم تنادي ماتجيها
والتجاعيد والشيب اخبرك من سبيها
نهر بعيونها ضلت تصاويره
تعال وتنتهي المأساة والحيره
يابوفاضل .. يابوفاضل
صحوة الموت والدار ضوتها بالمشاعل
عدهه خطار وتريد حضورك يابوفاضل
تره الخطار ملج الموت مو غيره
تعال وتنتهي المأساة والحيره
يابوفاضل .. يابوفاضل
جميع الناس من تلفي المنيه
يوصون ويكتبون الوصيه
هذا ايوصي ابنه وذاك اخيه
يحيرة زينب ابهاي المسيه
جميع اخوانها تحت الوطيه
ولدها اتذبحو بالغاضريه
ماتجي اليوم عباس تشيع هالحبيبة
تدري بالشام شمات يسموها الغريبة
جرحها الموت لمن صار تأخيره
تعال وتنتهي المأساة والحيره
يابوفاضل .. يابوفاضل
صحوة الموت والدار ضوتها بالمشاعل
عدهه خطار وتريد حضورك يابوفاضل
تره الخطار ملج الموت مو غيره
تعال وتنتهي المأساة والحيره
يابوفاضل .. يابوفاضل
يملج الموت مابين وليهه
تعال استأذن واكرب عليهه
اهي متهيئة وسبلت اديهه
تره غير النفس ماتلكه بيهه
سؤال ابيا شكل من تعتنيهه!
تريد ابهيئة الكافل تجيهه
تخلص الروح وتروح ولايخلص حزنها
ها يعباس شتكول اذا تنظر متنها !
نعم سوط المتن ينطيك تقريره
تعال وتنتهي المأساة والحيره
يابوفاضل .. يابوفاضل
صحوة الموت والدار ضوتها بالمشاعل
عدهه خطار وتريد حضورك يابوفاضل
تره الخطار ملج الموت مو غيره
تعال وتنتهي المأساة والحيره
يابوفاضل .. يابوفاضل
صحت وين الغيارة الحيدرية
تجي وتشيل نعش الهاشمية
تشابه دفنت الزهرة الزجية
غريبة والتشيع بس رقية
اويلي اعليج يم نفس الأبية
سبية والجنازة هم سبية
صاحت الناس معقول ابوها ماحضرها؟
عدنه اخبار موجود يتاني يم كبرها
يحيدر والحزن راحت اساطيره
تعال وتنتهي المأساة والحيره
يابوفاضل .. يابوفاضل
صحوة الموت والدار ضوتها بالمشاعل
عدهه خطار وتريد حضورك يابوفاضل
تره الخطار ملج الموت مو غيره
تعال وتنتهي المأساة والحيره
يابوفاضل .. يابوفاضل
مشت واحزانها ضلت وراهه
يحال العطشت ومحد رواهه
تمنت جف اخوها اوما اجاهه
عليلة وبس ابوفاضل دوهه
يمخنوكة اوبقت بلطف هواهه
يحيدر ع النهر طفو ضوهه
من السياط آثار خذتهن للنشامة
ها يكفال لتكول اجتك بالسلامة
كسرها يم ابوها يصير تجبيره
تعال وتنتهي المأساة والحيره
يابوفاضل .. يافاضل
صحوة الموت والدار ضوتها بالمشاعل
عدهه خطار وتريد حضورك يابوفاضل
تره الخطار ملج الموت مو غيره
تعال وتنتهي المأساة والحيره
يابوفاضل .. يابوفاضل
للشاعر: السيد عبدالخالق المحنة
التعلیقات