منتظرك سنة (مكتوبة) - باسم الكربلائي

 

 

بإسم الله نبديها هالثورة الكبرى
يله اكتب تاريخك والعالم يقره
وبريشة إبداعك إرسملك ذكره
واقدامك خل تطوي صفحات الصحره

خطواتك ... نظراتك ... هوساتك
گلبي اتطمنه

احساسك ... دمعاتك ... كلماتك
گلبي اتطمنه

يامشاي احسبلك أنـه
اهلاً بيك منتظرك سنـه

إنشودة مشاية وخطواتك عزفك
من گد ماتمشيها هالأرض اتعرفك
والعالم مذهولة محتارة ابوصفك
چن شايل نهر الطف مو راية ابچفك

يالمقبل ... يمته اتهل ... إستعجل
وإهتف ياعلي

لا تهتم ... واتبسم ... واتقدم
وإهتف ياعلي

يا هالناس محبوبي إعتنه

اهلاً بيك منتظرك سنه

خطواتك ... نظراتك ... هوساتك
گلبي اتطمنه
احساسك ... دمعاتك ... كلماتك
گلبي اتطمنه

يامشاي احسبلك أنـه
اهلاً بيك منتظرك سنـه

لا تبطي خطواتك إسرعهن اكثر
كل نظرة ابــإرجوزة كل خطوة ابـمنبر
وحدهن نسقهن ياحيـدر حيـدر
انفاسك ثورية الله أكـبر

لا تتعب ... يمجرب ... وترقب
عيني اعله الدرب

شد عزمك ... سجل اسمك ...
ولعلمك
عيني اعله الدرب

اي مأجور واجرك ضامنه

اهلاً بيك منتظرك سنه

خطواتك ... نظراتك ... هوساتك
گلبي اتطمنه
احساسك ... دمعاتك ... كلماتك
گلبي اتطمنه

يامشاي احسبلك أنـه
اهلاً بيك منتظرك سنـه

إمشيلي بس خطوه أمشيلك عشره
بدموعك بترابك أركض للحضره
من تلزم شباكي وبصدرك عبره
كل دمعة لعيونك تترصع شذره

يالباسل ... تستاهل .... والكافل
إسمك سجله

ها وينك ... امتانيك .... قر عينك
إسمك سجله

والعباس دربك امنه

اهلاً بيك منتظرك سنه

خطواتك ... نظراتك ... هوساتك
گلبي اتطمنه
احساسك ... دمعاتك ... كلماتك
گلبي اتطمنه

يامشاي احسبلك أنـه
اهلاً بيك منتظرك سنـه

قبلني اولهم ما ردتك آخر
ماتوصل هالليلة توصلي باچر
لاتغفه لاتتعب وحسينك ناطر
واتصور ناديتك مصباح العاشر

واتحامي ... گدامي ... والضامي
عقلك جننه

داعينك ... حل دينك ... وحسينك
عقلك جننه

والنبضات عالحـب مدمنه

اهلاً بيك منتظرك سنه

خطواتك ... نظراتك ... هوساتك
گلبي اتطمنه
احساسك ... دمعاتك ... كلماتك
گلبي اتطمنه

يامشاي احسبلك أنـه
اهلاً بيك منتظرك سنـه

يـزاير افرحلك من توصل سالم
والـگلك ما سمعك ماشوفك واهم
عاهدتك تتحقق أحلامك لازم
عاهدني ترجعلي بالعام القادم

يمفارگ ... لـتفارگ ... والعـاشگ
يتحده القدر

من يقنع ... ما يخضع ... مايرجع
يتحده القدر

والمشاي بالطف موطنه

اهلاً بيك منتظرك سنه

للشـاعر: السيـد عبـدالخـالق المحنـة