على المسموم (مكتوبة) - باسم الكربلائي

على المسموم يا ويلي عله المسموم

أنه من طوس أجيتك والگلب دامي
مثل جدك لگيتك منچتل ضامي
صحت يحسين شفت حسين گدامي
انه المسموم واعرف ونة المسموم 

يبو عمر الورد ذبلت رياحينك 
جرح گلبي يبويه بطول عشرينك 
متت ضامي تريد تواسي لحسينك 
تواسيك الزجية يالمتت محروم

يتربية السمه عرفوا بتربيتك 
حفروا بيرهم لمن كبر صيتك
ينفذون الجريمة من وسط بيتك 
حقد و أم الفضل تتكلف الملزوم

ثلث أيام مرمي والشمس تصهر
مثل جدك لچن ماكو قطع منحر
ولا خيل التدوس بصدرك وتعثر 
ولا سلبوا عيال وسلبوك هدوم 

 

للشاعر : السيد عبد الخالق المحنه