روحي (مكتوبة) - باسم الكربلائي

روحي روحي جنة الله الكاظمية

ما اروع المنظر .. هيهات يتكرر
و اگبال هالجنة .. جنة عدن تصغر
گلبي هتف بيها .. يا موسى بن جعفر
هامت هامت روحي بيها هالمسية

الـ هالجنه و النعمه .. شكرا الى الباري
بالحب دخلناها .. و دمع الحزن جاري
من الضريح اسمع .. اهلا يزواري
موسى موسى يرحب بهاي البريه

بگلوب مجروحه .. و دموع مملوحه
سر العشگ عندك .. كل عاشگ يبوحه
يا بو الرضا الزاير .. فدوة الك روحه
والله والله ما نعوفك للمنية

بس العشگ بيها .. سبحان باريها
بالدمع جينه اليوم .. صرخة نناديها
مشاية الكاظم .. خاب اليعاديها
ثورة ثورة دمعة تبقه موسويه

 

للشاعر : حاتم صبري الكاظمي