باب وضحايه (مكتوبة) - باسم الكربلائي

باب او ضحايه
نار أو سبايه
بيهن كلامك
حتى ابمنامك
نار او سبايه

وكت جان الكذب سلطان
يعيش اليعرف اينافق
زمن بيه الوفه مذبوح
لجل يتسيد الفاسق
وكت بيه الصدق ممنوع
جنت تتلقب الصادق
بشر ماعرفوا اينطقون
فقط انت جنت ناطق
حكم ال أميه
عشته ابأذيه
عايش خصامك
حته ابمنامك

هدوءك والخصم ضوضاء
أمامك كلها تتلعثم
لمن خلص كلام السيف
دعيت القلم يتكلم
واذا تسمع شتم وصياح
أكيد ابهاي تتألم
عله بالك تجي زينب
غريبه ابيسر تتشتم
تنزل دمعتك
حمره اعله عمتك
زينب أمامك
حته ابمنامك

سفينة نوح جنت انت
تسير بأمر باريها
فلا عاصم من أمر الله
سلم كلمن ركب بيها
سفينه او جن ظعن زينب
وجه الطوفان يحديها
سبي والضحك بالأول
ولا يحسب التاليها
تشعر ألمها
ابطيحة زلمها
بيها اهتمامك
حته ابمنامك

جنت مثل النبي او تدري
صنمهم مايعوفونه
مراقب حتى من اتنام
حرسهم فاتح اعيونه
جنت تكمل فرض عاشور
تخاف الناس ينسونه
مثل مانسوا فرض الباب
واليذكر يكفرونه
تنشر علومك
تنسه همومك
هذا التزامك
حته ابمنامك

ابجدمك تسحك النيران
وهي تطفه تحت جدمك
آنه ابن الخليل اتصيح
وابن عرق الثرى اسمك
حريمك ركضن او صاحت
عليهن ضاعفت همك
اهن صاحن يبويه احسين
وانت اتذكرت عمك
جود الكفاله
عندك رساله
وعليه سلامك
حته ابمنامك

تشوف الباب مستعره
بجيت او حسرتك حسره
قبل لاتطفي نار الدار
فكرك راح للزهره
تصورت العزيزه اشلون
تطيح ابشدة العصره
كأن ابصدرك البسمار
او كأنها ابوجهك السطره
تذكر دمعها
كسرة ضلعها
أول مهامك
حته ابمنامك

حريمك فرن امن النار
بس محد وصل يمهن
أكيد إذكرت علويات
بالطف حركوا اخيمهن
فرن بالبراري انجوم
ولا من سمه التجمعهن
سياط أو نظرة العدوان
مثل السيف تذبحهن
عشت المصيبه
وي الغريبه
حركة خيامك
حته ابمنامك

 

للشاعر : السيد عبد الخالقالمحنه