بده وزن القصيدة (مكتوبة) - باسم الكربلائي

بده وزن القصيدة
على دمعة حميدة
طير الشر نعاها
مسلم ما اجاها
وإهي جانت حبيبه
بدت تشعر غريبه
لاطارش لفاها
مسلم ما اجاها

طفله وتنظر اطفال العشيره
كل والد شبگ بنته الزغيره
بس هيه بقت مثل الاسيره
صاحت فگدة الوالد جبيره

وإهي چانت حبيبه
بدت تشعر غرببه

متعوده ابحضن والدها تغفه
لو فزت يمد اعليها جفه
عودها ومشه وعليها كلفه
ميت لو عدل هم تعرفه

مشـه طول غيابه
تنام اعله الترابه

مخنوگه ابهواها
مسلم ما اجاها

ساعات ولفاهم ناعي ينعه
وحسين انكسر گلبه اعله وضعه
صاح وكل بني هاشم تسمعه
جيبولي حميده ويجري دمعه

جابوله اليتيمه
شعرت بالهضيمه

تتعثر خطاها
مسلم ما اجاها

جابوهه لچـن كلش حزينه
گـلهه ياهله ابنتي الحنينه
گعدهه وخفه عنهه ونينه
گـالتله متى الوالد يجينه

بقـه خالي مكانه
وأنـه اشتاگ الحنانه

بـحضانه خذاها
مسـلم ما اجاها

گـال الها ابوچ انا وأنـعمي
گالت ونعم منك ي عمي
بس آنه زغيره وتدري همي
ما اغفه إذا ما هوه يمي

وانه عيني الطريقه
دگـلي بالحقيقه

دنيه ابلا ضواها
مسلم ما اجاها

ابويه وعمي گـالتله مقامك
لكن اسمع صياح بخيامك
ياعمي ومرد گـلبي كلامك
شو تمسح على راسي علامك

إذا هاذي علامه
صرت ويه اليتامه

نكبه وما وراها
مسلم ما اجاها

صاحت والجفن يجدح شراره
يـاربي انهجم قصر الإماره
ياويلي انذبح راعي السفاره
جـروا بالحبل والله خساره

فلا يخلص نحيبي
وانه ذبحوا حبيبي

خل تنصب عزاها
مسلم ما اجاها

 

للشاعر: السيد عبدالخالق المحنة