نخيت (مكتوبة) - باسم الكربلائي

 

 

نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

دخلـت الكوفه ما گـلت الحـذر واجب
على وجهي ملامح زود ابوطالب
سفير الثوره رحت الدولة الناصب
اسـألهم أمـا للـحقِ من صـاحب !

عـدوي اتحيـر بأمـره
خشب حكمه وأنـه الجمره
أنـه الهم الشغل فكره
وتـحداااه

رعبت الحاكم الظالم
بده ايحس الخطر قادم
وعدتك ما أرد سالم
حسـينـاااه

نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

دخلت وخصمي چـان امحصن ابشركه
مثل دخـلـة محمد من فتح مكه
ادور والحقيـقة خيـوط مشـتبـكه
رسائلهم خداع اتكتبـت ابـحبـكه

أنـه ابين الوجوه اسأل
اگـللهم حسين أقبـل
ردت كلمـة صـدگ تحمل
مواسـاااه

گـصصـهم مارضت تعـرگ
جفوا وتبروا امـن الحـگ
وانه بـكل نفـس اشهـگ
حسـينـاااه

​نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

الـيلاگـيني بدت تتغير الوانه
يحذر من مشيتي الساد بيبانه
وعـدهم ذاكـه ياوسـفه ابـخبر كـانه
ياهو الأذكـره ايـگلي مو آنه

خلـف وعـده ونسـه الچـلمه
الوعـدنه ايـبايـع ابـدمه
بعـد ما جـف حبـر قلـمه
تناسـاااه

خذل ديـنه وطـوه الصـفحه
ضميره المـا قبل يـصحه
رغـم منـك طلـع صبـحه
حسـينـاااه

​نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

غريب وصرت اشوف الموت عنواني
بقه دين ابرگــبتي موقف الـ هاني
خلـد بيه الدروب ابيـن عـدواني
يميز حيـرتي الـ من وجهي يـقراني

سـكن ليـلي وطفـه اشـموعه
عليـة الخطـوه ممنـوعه
يواسينـي صـبر طـوعه
عـلى الآاااه

كثر چـانوا وانـه الوحدي
كأن الـكل نفس جنـدي
يسـألوني وگـلت ردي
حسـينـااااه

​نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

هجمـوا بـس تنـاسوا واجهـوا قائد
ميـداني المـراجل كـولشي بـي وارد
تعبـت الـجحـافـل والمـدد شـاهد
حتـه من اخـطي واحـد ينـجرح واحـد

ترجـوا للحـرب هدنـه
وآنه من آل النبي وعدنـه
نـأمن حتـه بـالضده
عـرفنـاااه

مثل تكفيـر ابـن ملجم
مجرم يهـمس الـمجرم
وآنه ابينـهم مسـلم
حسـينـاااه

​نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

حتـه من ابعـد ايـظل صبـرك ابـالي
ياريـت أگدر احمـي ظهـرك الخـالي
إلي يمـك طلب واتـمنه يـجرالي
بعد يـحسين مـا أوصيـك بـ اطفالي

بـ احسـاس الأبـو تـدري
اريد احضنـهم الصـدري
لاچـن سـلمت أمـري
إلـى الله

إذا تنظـر طفل وحـده
وحيـد ودمعتـه ابخـده
بـس اسـأل ابـو عنده
حسـينـااااه

​نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

رغـم المـوت لـكن فكـري ظـل يمـك
تـراوالـي ابـحوافر خيـلهم دمـك
إذا وحـدك منـو باچـر ايـجر سـهمك
لـعطرك مـن يـوصل نفـسي واشتـمك

أنـه الأجـلك نـذر عمـره
يـ وارث هيبـة العتـره
أننه لـوجـهك الف ذكـره
إلـي ويـاااه

سـلامي الـكل جـرح عنـدك
اسـلم وانتـظر ردك
يـ من باچر تـظل وحدك
حسـينـااااه

​نـخيـت وجاوبـت عـونك
أنـه الما خِـيـب أظنـونك
حيـاتي فـدوه لعيـونك
حسـينـااااه
إلـي بـگلب القصر ضجه
رغـم جـوره ورغـم نهـجه
لقيـت اسـمك عليـه حجـه
حسـينـااااه

 

الشاعر: إيهاب المالكي