عايش بخيمة رحمتك (مكتوبة) - باسم الكربلائي

عايش ابخيمة رحمتك
الله وفقني الخدمتك
بگد دمع زينب أشكرك .. ياحبيبي

شكر مملوح ابدمعتي الحضرتك تقديمه
ارزقت گلبي محرم وفقيته ايقيمه
سنبله احنيت الك راسي ارفعته فوك الغيمه
اغله شي گلبي ابمصابك احرگته مثل الخيمه

شگد أحبك تدري بيه
اغله من روحي عليه

بگد دمع زينب اشكرك ياحبيبي

تمطر بخيرك عليه اشما امد چفيني
الدنيه كلها ازغيره عندي وانته تارس عيني
عشت خمسين بحياتي وانته ماناسيني
اشلون ارد دين العليه ابخدمتك دليني

ابراسي حزنك شيبه شيبه
دونك عيوني غريبه

بگد دمع زينب اشكرك .. ياحبيبي

الناس بسمك تحترمني مقدر بتقديرك
دمعتي يوسف حياتي امنتهه ابيرك
چفي ياباب الله صدگ ما امدهه لغيرك
ماشعرت ابضيق إلا شبعتني بخيرك

والله ماناسي اشنسيتك
وانته البروحي لگيتك

بگد دمع زينب اشكرك .. ياحبيبي

شگد حلو طعم المجالس زينبي حسيته
سيدي ممنون منك مجلسك طبيته
صار بيت الحب عزائك لليفارگ بيته
العافيه في لطم صدره للفگد عافيته

ايحبني الله في سبيلك
تارس الدنيه قليلك

بگد دمع زينب أشكرك .. ياحبيبي

قل اعوذ لو نسيتك ابعيد من نسياني
حسين تبقه انته واني لا مو اني
من اموت اكتب عليه هذا من غلماني
غير هاي ابهاي اشعر الله كلشي انطاني

انته تتلگاني اشوفك
ابلا نحر فاتح چفوفك

بگد دمع زينب أشكرك .. ياحبيبي

بالجنان انظر طفوفك تنرسم گدامك
اهنا التله الزينييه اهنا اشوف اخيامك
الجنة مثل الغاضريه اتغيرت بالامك
انته يمي بس اشوفك امكسرات اعظامك

لو گلت اقره العزيه
المن اتگلي الرقيه

بگد دمع زينب أشكرك .. ياحبيبي

للشاعر : حاتم صبري الكاظمي