مشاي مشاي (مكتوبة) - باسم الكربلائي

مشاي مشاي اروح الكربله

مشاي مشاي اروح الكربله

يوم اربعينك ألبي دعوتك
مشايه يحسين اجي لزيارتك
تأمرني مولاي اذوب ابخدمتك
يامالك الروح ياهيبة امتك

ملهوف ملهوف يبن عقد الوله

مشاي مشاي اروح الكربله

كل المواكب بعدها اعله الوعد
تدريها كل عام الك تكتب عهد
خيرك غطاها يـمن خيرك مدد
وفايه وياك عليها الله شهد

تتلگه كل ضيف هله ومية هله

مشاي مشاي اروح الكربله

خليها الاجدام فرض هذا وجب
بس ابطريقك شفت راحة التعب
عمري الخدمتك يبو اليمه انـوهب
وهواي الاسباب اريد اذكر سبب

شفت اعله دربك تعب عمري حله

مشاي مشاي اروح الكربله

ارفعلي رايه واحس صوتك الي
شد حيلي مولاي تگلي مايلي
بعون الله وياك محمد وعلي
والروح يحسين تعبها ينجلي

كل مشي الأيام يصير اشـمسـهله

مشاي مشاي اروح الكربله

شفت الكرامات أنـه ابـهذا الدرب
يوم اربعينـك يسهل كل صعب
كل بيت بيتي أبد ماكو غرب
چي إنته محبوب تـوافي كل محب

عناي عناي عشگ گلبي امتله

مشاي مشاي اروح الكربله

بعيوني يحسين الك صوره عشگ
بعون اله مايوم يغالي نفترگ
دفتر حياتي اريده ينطبگ
وانه ابطريقك شمعة احترگ

والروح والروح شفتها امدلله

مشاي مشاي اروح الكربله

للباري ادعي اللهي اتوسلك
ينطيني توفيق اجي واصول الك
مولاي يحسين منــاي امواصلك
وتگلي روح الحبيب ايسجلك

ممنون ممنون الك يــبن العُله

مشاي مشاي اروح الكربله

 

للشاعر : عمار هليل الواسطي