نزلت أية الأحزان (مكتوبة) - باسم الكربلائي

نـزلت آيـة الأحـزان
من نحرك على صـدري

والعاشـر شـهر رمـضان
والطـف ليلـة القدرِ

يامنـحر .. قد كـبر

بالطـف للسـماوات
بالطـف للسـماوات

إنته أعرف .. يوم الطف
نزل امر الشعاير من نزف نحرك
قدمنه .. وبدمنه
طعناها الشعيرة الواجبة ابـأمرك
كعبتنه .. رايتنه
أدينه المناسك كلها يم گبرك
صرختنه .. دمعتنه
كلمن طعن بيهن يطعن ابظهرك

يحسين الشعاير هاي
خط احمر حچيناها
لوتسكت دعاة الراي
لو نِزعل تره اويـاها

بل نشهد بالمُسند
نزلت بيها آيات
نزلت بيها آيات

حبيتك .. واليتك
بإحساس المشاعر عندي هيج إحساس
اقسملك .. لو گتلك
بگد حب الزچية ايحبك العباس
من فخرك .. من صبرك
دم نحرك الطاهر شرفك عالناس
ياثوره .. ياعبره
راس الحاربك يحتاج گـصة راس

كلمن حبك ووالاك
يعرف قدرك العالي
ياغالي ولجل عيناك
لجلك يرخص الغالي

يامعبر للكوثر
ياركن العبادات
ياركن العبادات

مو طبعي .. ياعمري
اشلون انساك وانسه القاسم وصبره
واشـهدله .. مـن مثـله
ختم عقد الزواج ابمحكمة نحره
ويخسرك .. ويغدرك
تره الحرم عليك الوعـة والعبره
لمصابك .. بحبايك
اول دمعة طاحت دمعة الزهره

طاحت دمعة العينين
من جدك حجة القصه
گال ايظل وحيد حسين
بالطف مذبحة اتخصه

والمهدي من ولدي
ياخذ بسمه ثارات
ياخذ بسمه ثارات

من مهدي .. عن جدي
أبويه اعله الحزن من صرت رباني
من زغري .. والكبري
خلص عمري وطعم عاشور بـ لساني
ظل صوتي .. ولـموتي
ما بدل يقيني وثابت ايماني
شيـعيتـي .. قدسيتـي
بعد قرآن ربي حسين قرآني

من زغري وحزن عاشور
يـلچم كل سنه ابروحي
يرجع والسنيـن اتدور
والطـم واحـرگ ابروحي

تأبيني لحسيني
ما عوف الزيارات
ما عوف الزيارات

ما خفنه .. تعرفنه
وانقيم الشعائر چنه بالبسكوت
بالفترة .. والخطرة
اليكتب ياحسين اعله الجدار ايموت
لعيونك .. من دونك
لا عشنه وية اهلنه ولا سكنه ابيوت
وفينه .. تدرينه
حبينه ابوكـت چان العشگ تابوت

حبينه ابزمان البيه
الحبك ينكتب موته
صحناك ابوگـت تدريه
محد ينسمع صوته

رحنالك صحنالك
حبك بينه ما مات
حبك بينه ما مات

فهمونه .. حاچونه
انتم يل بليتـو هـالـلـطـم بلوه
ربتنـه .. خطوتنـه
من زينب خذينه للطم فتوه
عـالغالي .. عـالوالي
ما عدنه ابد غير الدمع سلوه
تاليها .. ندريها
دنيه ابغير حب حسين ماتسوه

دنيه ابلا هوه المحبوب
مانشعر طعم بيها
جرب كل مسية اغروب
روح الزينب أدعيها

متردك وتعدك
من اهل الكرامات
من اهل الكرمات

لأيتامـك .. والآمـك
هاي ادموع زينب رسمت الصوره
عبرتها .. دمعتها
وابـخد الـزمن لليـوم محفـوره
لوعتها .. شافتها
راس اعله الرمح واچفوف مبتوره
وبحرگه .. عـالـملگه
صوت ايريد ثار اليوم عاشوره

كل صوت اليداعي ابثار
زينب باركـت صوته
والسكتت على الـي صار
عدله وتنحسب موته

قد ناحت من صاحت
لا للذلة هيهات
لا للذلة هيهات

بإحساسك .. عباسك
قمـتله إنتـه الشعيـرة الأوله عـالـمصرع
من حبنه .. تعرفنه
نبچي اعله الگمر كلما گمر يطلع
رحناله .. گلـناله
كون ايصير إلك بچفوف نتبرع
ما ترهم .. ياضيغم
وانته اچفوف اسد وچفوفنه امشمع

ماترهم عليك اچفوف
غير اچفوف حامي الجار
إيـدك ماتشيل إسيوف
إلا بوزن ذوالفقار

يالحبك عد ربك
للوادم جوازات
للوادم جوازات

للشاعر : ناظـم الحاشـي