من دمي (مكتوبة) - باسم الكربلائي

من دمي هاي الليله حنوني
ويه الرماح اوياكم اخذوني
دنيا وبلاكم يهلي ما تسوه
رايد اموت بهالارض فدوه
مو حلوه زفتي هنانه مو حلوه
فوق الرماح ب دمعة زفوني
لمن دريت ب معركة عمي
غيرة ابويه فارت بدمي
ماهمي عرسي واني كل همي
يم الحسين تغمض عيوني
رايد ابوية الليلة يتباها
ومتروسة جثتي سهام يلقاها
هاي البغاها والتمناها
ايهوس عليها من يذبحوني
بعيوني هاي اللحظة مرسومه
من المهد بجفوني مضمونه
هالعرس حلمي وهالوصل يومة
خلوني احقق حلمي خلوني
راح اهجم اعليهم مثل جدي
وشحدة كلمن يوصل لحدي
واصرخ يسيفي بهالرقب ودي
لحسين بلكي ايطيب ظنوني
عمري اهدعش وبسيفي ما دارس
من ظهر ابوية من جنت فارس
خلاني ابوية اعله البخت حارس
من صغري امن سكنه بمتوني
محلاها لمن اهلي وناسي
يزفوني واني اعله الرمح راسي
ساعتها ما يتوصف احساسي
ملون الدنيا ومنخطف لوني