صلت صلاة الآيات (مكتوبة) - باسم الكربلائي

صلت صلاة الآيات . سيدة نكران الذات
وانطـت عهد للزهـره
منا لحد عاشوراء . أحلف ابـضلع الزهراء
إلا انطي حـگ العـشره
ماثنت ابهـايه . . من أنطـت احچـايه

للزهره حلفت بالسور .. بالذاريات وبالزمر
ماخيب اظنون
التفتت اوحاچت علي .. ابناء فاطم كل هلي
بعيوني يبقون
خافت جرحهم ينلچم .. واگبالهم نفس الإسم
ماقبلت اتكون
گالت اذا اظل فاطمه .. تزعل عليه فاطمه
من تعتب اشلون

بالعتبه گالت ياريت . استأذن من اهل البيت
اطرق ابدمعي عالباب
ماخلي عالليل الثام . وامسح نده ادموع ايتام
ضي الشمس عنهم غاب

چان الوفه الغايه . . من أنطـت احچـايه

ام العليهم تعتمد .. والگالت الهم عالغمد
حده ويه عاشور
الحالفه اتصون العهد .. للموت ويظل الوعد
بفكارها يدور
لانفاس زينب تنتبه . لحسين چانت تتجه
لو رادت اتزور
وصاها حيدر من رحل .. من اقترب منه الاجل
بس كلبه مكسور

سولف علي ابوكت الموت . بحروف مابيهن صوت
وبجفنه واضح دمعه
وصاها بالنظره اهواي . فهمته اوگالت مولاي
بعيوني ولد البضعه

بيها اتضح رايه . . من أنطـت احچـايه

انطت ولدها الاربعه .. كلمن مهمة مصرعه
واتاكدت زين
عبدالله تبرز يالشهم .. جعفر تشلبه عالزلم .
شوف النصر وين
عثمان اذا سيفك صعد .. حسسهم ابنقص العدد
ياقرة العين
خليني اظل ابلا كمر .. عباس ودي للنهر
يم جدم الحسين

سوولي بالطف معروف . واهدولي لحسين اچفوف
وعيون بيهن نبله
شوفلي هلبت تلگون . ياريت كون اتقدمون
غير المنيه السهله

يم كل گبر رايه . . من أنطـت احچـايه

من مشو للطف انحنت .. وگبالهم مابينت
عن هاي الالم
وبچفهه شي ماينفرز .. الظاهر انطتهم حرز
يتشد عالخيام
صدلهه الحسين وحچه .. وفيتي يايمه وبچه
وارباتچ اوسام
گلتله يايمه الابن .. من يمشي عن امشه اشتظن
اعيونهه اتنام!

راح اوراه طشت روح . ام اعله ابنها من ايروح
وتودعه بآخر نظره
دمعته بالعين اتدور . يلهب گلبها المكسور
ويچوي حر الصحره

هاي المواصايه . . من أنطـت احچـايه

سمعت رجع ضعن الستر .. يا اهل يثرب من بشر
والتمت الناس
يمهه دمع زينب همل .. من گالت الهـه اعله الكفل مادنگ الراس
وشلون بعيونه السهم .. من ايده ماطاح العلم
حد گطع الانفاس
عرفته وفه ابمصرعه .. صاحتله صوب المشرعه
عفيه ابني عباس

عفيه ابني صاحتله ابهاي . يالما شمت بيك الماي
يالبيك احن ايامي
يمچتف الشط اچتاف . والموج من سيفك خاف
لعيون اخوك الضامي

الشط نكر مايه . . من أنطـت احچـايه

صدت لكاروك الطفل .. شافت اثر دم ونبل
نابت عله اغطاه
صاحت شگول من انسأل .. فاتتني لو مطيه الفضل
ساعتها يفداه
والزهره تدري ابـ نيتي .. مايغله شي ابدنيتي
وياهه والله
ياريته سهم اللي نفذ .. من منحره ابگلبي واخذ
كل نبضي وياه

لو ادري والله احتاط . من روحي افصله اگماط
والنبله توگع بيه
ساعتهه عبدالله ايعيش . واسم الله اگله وبالريش
ويرد هوى للريه

واتمنت افيايه . . من أنطـت احچـايه

من ماتت الخالق أمر .. انطوهه خير المستقر
في ذاكه مرضاي
انتشر في الجنة الخبر .. رضوان عالباب انتظر
يترقب الجاي
لمن تسائل من أتئ ! .. گلـوله زوجة لا فتى
إلا علي هاي
گلهم الف اي والنعم .. من عدهه المربيه زلم
ما ذلهم الماي

وشچم صحيفة اعمال . تحمل مواقفهه اجبال
ياملك يگدر يحسب
اثناء تدوينه ايحير . موقف خلص غيره ايصير
يگضي الحبر من يكتب

افعالهه اهوايه . . من أنطـت احچـايه

تستاهل اتنال الصفه .. قائدة قوات الوفه
واولادهه اجنود
من يرد طف الفاجعه .. هم ترجع اتضحي اربعه
لو باچر ايعود
اربعه ربت للوعد .. وثنين وياهم بعد
الرايه والجود
اخذت حزنهه للگبر .. والله تحضر بالحشر
بهدومهه السود

تحمل نحر دمه ايسيل . يبچيـلهه جبرائيل
وبدمه يغرگ جنحه
مهمومه توگف واتطيح . وبيا ذنب هذا اتصيح
منحر اوليدي ايذبحه

صانت نبي وآيه . . من أنطـت احچـايه