باجر ارفع راية المشاية (مكتوبة) - باسم الكربلائي

لطمية باجر ارفع راية المشاية مكتوبة

 

الرادود باسم الكربلائي

 

 

خلصت كلشي وبقت بس هايه
باچر ارفع راية المشايه

احسبها بالساعات الازياره
وگلب المحب ما تنطفي ناره
خطار للما يرد خطاره
امشي وادگ بكل جدم ثايه

يوم اربعين حسين نتعنه
ببيوتنه محد يظل منه
افواج نمشي ونگصد الجنه
وعن المتن ما تنزل الرايه

واحد للآخر يبري بالذمه
ومن باب بيته يطلع بهمه
نعمه الحسين وباقيه النعمه
نعطش حنان ونرتوي بمايه

نمشي ونشوف احداث عالفطره
وزينب تشاهد وامك الزهره
طول العمر مو بالسنه مره
كل يوم نتعناله عنايه

امشي والك خطوات ما احسب
ادري حبيب بدفتره يكتب
نار العواطف بيه من تشب
گلبي يصير بكبر الولايه

يحسين يوم الاوصل طفوفك
الگه المناير چنهن چفوفك
يالما عفتني تگلي ما عوفك
يوم القيامه تحقق الغايه

كل لحظه وآنه ينخطف لوني
امشي وسبايه تشاهد عيوني
يا سوط هاك انزل على متوني
هذا اليصير بزينب هوايه