نشامه هالبنين الأربعه (مكتوبة) - باسم الكربلائي

 

 

نشامة هالبنين الاربعة
نشامة هالبنين الاربعة

زينب وحيدة بكربلة شافوها
وسيوفهم تلهب غضب خلوها
صرخة علي بسوح الحرب عادوها
يم الشريعة عهودهم كتبوها
كمرهم ضحة يم المشرعة
نشامة هالبنين الاربعة

گالوها زينب ماتضل بحيرة
هذا الوفة كلش صعب تفسيرة
عدهم حسين القائد ولا غيره
من الجدم للراس كلهم غيرة
نجدهم من تحل الواقعة
نشامة هالبنين الاربعة

ياحرة مثلج بالدهر وفاية
وجفوف ابنها طاحت وية الراية
يم الخيم جاب الفرات وماية
مو اية نزلت بسمه مية اية
كتابه ع الشريعة موقعة
نشامة هالبنين الاربعة

قصت مجدهم سولفتها الحومة
ماتوا عطش من عطشت المطلومة
يوم الجهاد بكربلة حل يومة
واعلة النحور سيوفهم مفطومة
غيارة والمجد ما اروعة
نشامة هالبنين الاربعة

حي الله زود الاربعة وحياهم
تسبيحة العشاگ من ادماهم
حيدر على فنو الحرب رباهم
سوح الملاحم تفرح بملگاهم
وفائج بالبدور الساطعة
نشامة هالبنين الاربعة

ولدج بواسل بالشدد معروفة
مجد الغيارة بالطفوف نشوفة
من برزت اهل الشام واهل الكوفة
كل واحد اعلى السيف خلة جفوفة
مهجهم بالحسين مولعة
نشامة هالبنين الاربعة

للشاعر: علي الخفاجي