وداعاً يا حبيبة فاطمة (مكتوبة) - باسم الكربلائي

 

 

وداعاً يا حبيبة فاطمه

مُن أذّن آذان العشگ صليتي
وراية وفه بظهر النجم دگيتي
اربع جيوش لكربله ربيتي
الزهره بگبرها ونادتچ وفيتي
حزينه تبچي لحزنچ السمه
وداعاً يا حبيبة فاطمة

چفوفچ سمه يام الوفه انسميها
بس السمه اتشيل الگمر بيديها
بيدچ عصه موسى انتچيتي اعليها
واتحولت عباس من شلتيها
غيمه ونهر چفينه بالضمه
وداعاً يا حبيبة فاطمة

ما چنتي بس بكربله موجوده
عباس شالچ عَلَگ فوگ زنوده
ساقي العطاشه چنتي ماي بجوده
اتگليله عفيه ابني اليهد بزوده
سفينه سيفه مبحره بدمه
وداعاً يا حبيبة فاطمة

اربع بنينچ قدوه سويتيهم
كلهم خدم للغالي صفيتيهم
عاشت يمينچ خوش ربيتيهم
هُوّه الحُسين الدِين علمتيهم
عظيمه قدرچ الله عظّمه
وداعاً يا حبيبة فاطمة

كربله نخلة مريم امسميتچ
وتگول ألله اشكبر حنيتچ
انطيتيني ابو فاضل لَمَن هزيتچ
وانذبحت بكتر النهر عافيتچ
اعله چفه روحچ تبقه هايمه
وداعاً يا حبيبة فاطمة

تاليها چف الموت من دگ بابچ
ظلت تصيح الدمعه وين احبابچ
يا وسفه مذبوح اليهيل اترابچ
اهل السمه تبچي دمه لمصابچ
حبيبي يا حسين الخاتمه
وداعاً يا حبيبة فاطمة

على جرحي دمع شوكك ورد بي
خذت قلبي تعال انته ورد بي
اريد رماد من خيمه ورد بي
دمه من منحر حسين الشفيه

يسيف الهجر ما له حظن واكراب
يهل ساكن بروحي اقترب واكرب
انه والاربعة والغرب واكراب
فداء الخنصرك يبن الزجية

جرح مجروح بعتابك جفينه
دمع نملي ودمع احمر جفينه
امد ايدي على الطاحن جفينه
واصيح الحك يسبع الغاضرية

تهت والشايلات الحمل ما هان
عصرني الوكت يا عباس ما هان
اذا دمع الحنينه عليك ما هان
ابدمعها اعليك مد ايدك اليه

 

للشاعر: كرار حسين الكربلائي