يا عباس (مكتوبة) - باسم الكربلائي

 

 

يا عباس أمك بعد قطعت بچيها
يا عباس و بعازة اليبجي عليها
يا عباس ... يا عباس

بالدنيا مثل أمك مرة
ما ظن تصير ولا تصح
تحمل قلب قطعة وفاء
و بكل وكت طبعه سمح
و عليها طيفك من يمر
خاطرها تشعر ينذبح
و جروح خمسة ترادفن
تقدر تِضَمِّد يا جرح
ليل نهار تِتنَطَّر المنكم يجيها
يا عباس وبعازة اليبجي عليها

ناعي امك بطف كربلاء
قالت له مر عل النهر
عن موتها ما خَبَّرًك
لو لا وصل لك الخبر
وي ظهر أبواليمة انحنت
فقدك كسر منها الظهر
بآخر نفس و تمَنِّتَك
موجود يمها يالقمر
حالة موت من قد مناحتها ونعيها
يا عباس وبعازة اليبجي عليها

كل أم تريد من الولد
يحمل نعشها يشَيِّعَه
ينزل من عيونه دمع
بكثر الحليب الراضعه
الله يعين الصابرة
الفقدت كواكب أربعة
القَطَّع شرايين القلب
سمعت جفوفه مقَطَّعَة
ريت تقول مِتقَطِّعات جفوف ايديها
با عباس وبعازة اليبجي عليها

راحوا و ظَلَّت صابرة
بوحشة الدار الخالية
تِتسَلّى بِالوَن و الدمع
والذكريات الباقية
وتقول لو سالِم يِرِد
إبن البتول الزاكية
لو عشرة قَدِّم ما أَهِم
و امسح دموعي و راضية
عن إيمان لهفة مَوَدَّتها لوليها
يا عباس وبعازة اليبجي عليها

ناعي الذبيح بكربلاء
طَب للمدينة وسِمعِتَه
تِعثَر بكل خطوة جِدَم
وبلا شعور تلَقِّتَه
عن البنين الأربعة
أم التفة ما نِشدِتَه
بس على مُهجَة فاطمة
تِسأل و رادت شوفِتَه
ناعي احتار وبيا صبر يسمع حجيها
يا عباس وبعازة اليبجي عليها

يا ناس حلم الوالدة
من يِحني قامَتها الكُبُر
تَجوَة يصير لها الولد
و انا انتِجيت على الصبر
عباس اللي بروحي رُبى
مثل الهوا بريتي يِمُر
رِدتَه يشيل جنازتي
جِدّامي يِنزِل للقبر
خلي يشوف أمه شيِعِد جروح بيها
يا عباس وبعازة اليبجي عليها

بجروحي بس واحد صعب
و حجلية وحدة تضَمِّدَت
حسين العزيز على القلب
جِلماتَه قلبي تبَرِّدَه
لو غَمَّض عيوني و بِجى
لو صاح آ يالوالدة
راسي على تراب اللحد
بيدَه أَريدَه يوَسِّدَه
تريد حسين قبل الدفن يِتعَنّى ليها
يا عباس وبعازة اليبجي عليها

 

للشاعر : سيد سعيد الصافي الرميثي