الوداع (مكتوبة) - باسم الكربلائي

 

 

الوداع الوداع الوداع الوداع

من هسه مشتاگين الك يالطيبه طبعك
ردنه قبل موتك علي اتأذن نسمعك
يالرجعت شمس العصر ياهو يرجعك
يركض ركض صار الوقت واحنه نودعك
يا كفيل الجياع الوداع الوداع

كل اليشوفك ينصدم مو هذا حيدر
وجهك مثل لون العمامه صاير اصفر
بالكوّه فاتح عينك و حالك تغير
شيبك مثل كلبك قبل شو صاير احمر
يا سفينه وشراع الوداع الوداع

هذا نصيب ايتامك وهذا نصيبك
مو جرح لازم ياعلي ! خير اليصيبك
واعرفنه ما ترجع بعد بيّن مغيبك
لمّن طلع من حجرتك يبجي طبيبك
بالوجود انفجاع الوداع الوداع

رمضان ما بي كل طعم طبرو علينه
والعيد من هسه نكله لا تجينه
يا روح تفرح سيدي وزينب حزينه
لون السواد بغيبتك من عدنه بينه
تبجي كل البقاع الوداع الوداع

شفنه الحسن يابه الحسن لازم يمينك
بعدك يحيدر ما رحت وينادي وينك
صبّرته كتله اعله النبل الله يعينك
بجنازتك من الوجع تفتحهه عينك
ما يموت النزاع الوداع الوداع

اعليك انغمه بذاك الوكت وحسين يمك
فزيت شفته يا علي لصدره يضمك
كافي كلتله يا حسين بداعة امك
باجر منو ايضم بويه عن الخيل جسمك
وبالخيام اندلاع الوداع الوداع

تلتفت يا حامي الحمه قرّب وعيدك
اتقرب الي يابه الفضل بحجايه اريدك
عباس زينب لو رحت تلزمهه بيدك
ومتعوفهه الا بشرط كطعة وريدك
عالفرات الضياع الوداع الوداع

 

للشاعر : حمزة السماوي