يخوتي اشقال الجراح (مكتوبة) - باسم الكربلائي

 

 

يخوتي شكال الجراح
جرح الابو من شافه

يالماكو ظل بالدنيا يشبه ظلكم
كل الملايك رغبة سجده الكم
بالله اسمحولي لو ردت اسألكم
من راح ابونه الداوه جرحه اشگلكم
ما بعد يرهمله اضماد
لو بي امل يتشافه

يهل الشيم عن حالته خبروني
يللي صفت نيتكم اتصبروني
وانه الصبورة العالمة تدروني
طفلة ابعمر خامسسنة وفجعوني
طول العمر جرح الباب
بالگلب ما يتلافه

جراحه من ضمده اشگلكم عنه
من عنده ايس لو بعد بي ظنه
خلوني اشوفه وخبر اخذ منه
راسه ارد اعصبه واستعد للونه
خل سلوتي اتصير النوح
لو بعد ما يتعافه

يالـ بالشدايد ما بديت اعذارك
وابجالم امأمن يحيدر جارك
هاي اليتامه اتجمعت يم دارك
گصدت يبوها تنشد اعله اخبارك
خانك الجنت اتحاميه
جا هو هذا انصافه

يالتحت ظلك كل وكت لمتنه
جانت عباتك يا علي خيمتنه
لو رحت ما تسوه بعد دنياتنه
واخلافك المن يا علي ظلتنه
هذا الزمان الغدار
حگه اليتيم ايخافه

يا علي وما تنسانه يغمرنه احساس
عند الحسن وحسين عند العباس
تارك وصية اعلينه من بين الناس
من بعد راسك يظل سالم يا راس
جم حاقد وجم ملعون
يطلب ابثار اسلافه

لو الك يحصل دوه ايگول الجراح
نركض نجيبه والك نفدي الارواح
بس لا يگول القدر والدكم راح
يا حزن يا هم يا مصاب الينزاح
يا علي المثلك هيهات
يتجازه لو يتوافه

 

للشاعر : سيد سعيد الصافي الرميثي