عتب جيران (مكتوبة) - باسم الكربلائي

 

 

عتب جيران اعاتبكم
لون نار ابمنازلكم
اجي ليها واطفيها ابمنازلكم

طريقي وملسكي وممشاي
انه الرايه اعله كل رايه
مدينه وبيها ازقه هواي
واني ابنص الولايه
منو الماشاف هاي النار
منو الي ابخل ابمايه
موش ابماي افزعولي
بردوا گلبي بحجايه
على گلبي جبل جافي
اعاتبكم ولو كافي
انه وبيري وتصاويري عفت همكم

احترگنه وصاعد الدخان
السماوات السمائيه
وتغيرت لون الگاع
وصارت كالرماديه
ماهزكم رماد الطار
فوگ الكره الارضيه
گمت اسمع صراخ الحور
ابموّاج المجرّيه
بجيت ابدمعتي الحمره
ثلث ميه على الزهره
تره الخادم ضرب فاطم شگللكم

مرات الصداع هواي
ابراسي يصير تاثيره
تره الزمله اذا ينهار
يعني السالفه چبيره
غروب الشمس يخنگني
اجر حيره على حيره
يجيراني ابهجوم الدار
الاعرفه الجار بي غيره
ولا الكم اهميه عميتوا ميه بالميه
عجب وأعجب الصرع مرحب ولا يمكم

اذا غرگان ناداني
علي يا حاضر الشده
انقذه لو ابطن الحوت
ابد هيهات ماهده
ام موسى بهذاك اليم
نادتني وشلت مهده
اليصيح اسمي علي دخيلك
تنحلله الف عقده
هذاك اني العمر كله
اوجاري السابع اندله
علي اني يجيراني العتب الكم

انه الماقصرت فد يوم
اذا شفتوني بالملگه
الزغير البيكم اركضله
امسح راسه لو شُبگه
منوه الي تِجوه ابنار
منو الي ايده محترگه
يعرف وجع گلبي شلون
اگوم واگعد ابشهگه
انه المچوي على اعيوني
انه وي ابابي حرگوني
الجبت يشتم ردت مسلم اما منكم

لو مو هالوصيه اتصير
ما عاتب على فكره
اشوف بريش جبرائيل
دم من اظُلّع الزهره
گصوها بحقد مدفون
مثل ما گصوا الشجره
حريمه ابليل اشيعها
ودفنها بضوه الگمره
زمن مابي ابد راحه
وكلمن ياخذ اجراحه
انه ابهمي نحل جسمي ولا همكم

 

للشاعر: محمد الظالمي