جم آه يا فاطمة (مكتوبة) - باسم الكربلائي

 

 

إي وِلّي عالأكوان شع ضي نبيّه
يا چف يلوح الباب لوما الوصيه
ويلاه يا فاطمه ... چم آه يا فاطمه

أمر الوصيه الحال ما بينك وبين
عدوانك ويا سيف تشهر يبو حسين
يحچي برهاوه شلون وتشوفه بالعين
خصمك وأمس ما شال سيف ابرزيّه
ويلاه يا فاطمه ... چم آه يا فاطمه

وسفه وألف يا حيف أشباه الرجال
تتجاسر وتاذيك يوم الحِمل مال
والماله بالميدان يحچي اعله خيّال
هيچ الزمن مرات دوراته هيّه
ويلاه يا فاطمه ... چم آه يا فاطمه

سيف الحِمَه الإسلام بالصعبه ينهاب
خيبر تسوف بيك يا قالع الباب
بابك هضيمه وحيف يحرگهه حطّاب
وأصعب كِسر ضلعين من الزچيه
ويلاه يا فاطمه ... چم آه يا فاطمه

لو چان إلك مرخوص تحميهه دارك
من يوصلك يا حيد يا حامي جارك
يا زلمه شايل سيف يوصل فقارك
مِن يفتح الميدان يا إبن إِبَيـّه
ويلاه يا فاطمه ... چم آه يا فاطمه

يلبيدك الصعبات تگظيهه كلهه
هالمعضله حاشاك ما تلگه حلهه
أمر الله من تشوف دارك دخلهه
غاصب فدك وإعزاز گلبك ضحيّه
ويلاه يا فاطمه ... چم آه يا فاطمه

ملتزم يا بو حسين سمعاً وطاعه
تعرف نوايا إعداك كلمن إطباعه
گالوا صحابه شلون صلّوا جماعه
خلف النبي ومن مات شبعوه أذيّه
ويلاه يا فاطمه ... چم آه يا فاطمه

ما يبقه هذا الحال معلومه الأخبار
آخر زمان تخاف من عنده الأشرار
بسيفك يرد الثار ما يبقه كل ثار
للمهدي منتظرين الطلعه البهيه
ويلاه يا فاطمه ... چم آه يا فاطمه

وبابي
الخاين خان ابن عمي .. وبابي
وسيقفة ساعده صارت .. وبابي
عليه شاهده ضلعي .. وبابي
ودمع عيني وطفل مكتول بيّه

ناراه
وحك الما نشوفه لجن .. ناراه
ابقلبنه وشع شعاع الشمس .. ناراه
باب ام الحسن ما طفت .. ناراه
وشعل حزن الليالي الفاطمية

 

للشاعر: عمار هليل الواسطي