هذا الأمر (مكتوبة) - باسم الكربلائي

 

 

هــذا الأَمُـر يـا حِيـدَر اِمن السِـمَة
نَحِي الحَسَن وإحسِين مِن فاطِمَة

لِيلةْ وِداع اُو وَحشة يالصُميدَة
هذا المُصاب إمْصاب لا تِزِيدَة
نَحِيْ الحَسَن عن فاطمة اُو عضيدة
لإصوابْهُم تِبچِي المَلايِك دِمَة

واحِد يِنُوح اُو مِن جَمُر دَمعِتَة
والثاني وِصلَت للسِمَة صَرِخِتَة
والفاگِد أُمة بالـگَـلُـب كسِرتَــة
يِگْضِي الحياةْ اِبـ حالِتَة المُؤلِمَة

صاح الحسن رِجْعِيلِي بس ثَوانِي
ياريتة مُـوت اِلـماخِـذِچ خَــذاني
وإحسِـيـن نادَة مـاتَـت الأَمـانِـي
مِن بَعدِچ الاُولاد مِـتيَتِـمَة

الله اِليِساعِد فاطِمَة إبلِحِدها
مِن تِسمَع الوَنـاتْ مِن وِلِدها
صارَوا يِتامَة يا وِسَـف بَعَدها
واحِدهُم إبحِضن الجِرُوح إرتِمَة

يابا الحسن زِينَب عَظِيم أساها
طِفلَة اُو يِـتِـمّـها مِن زِغُر إجاها
باچِـر مُـصايِـب يـا عــلي وَراها
اِمن الدِنيا تِرحَل لاتِظِن سالِمَة

بَعــدَّك ترة ياحامِيِيْ الحَمِيَة
إيشَيِب گَلُبها اِبـ گاع غاضِرِية
للشام تِـمشِي يا علي سِبِيَّــة
وأحبابها إيمُوتُون مِن الضِمَة

علي ديناي كلها اصبحت .. ظلماي
ولا مظلوم مثلي الشاف .. ظلماي
بعيني من البجي ما عاد .. ظلماي
انعمت لو ما علي يلحگ عليّه

غدرني الما صفاله راي .. يم راي
وتجرعت المرار ابصبر .. يم راي
طفت نيران بابي لجن .. يم راي
بگلبي ومشتعل جانون بيّه

عفاني شكثر ضيم احمل .. يراني
وزماني المحمل الظالم .. يراني
لون هسه النبي يطلع .. يراني
تبره من الصحابي الخان بيّه

 

للشاعر : سجاد علاء المحمداوي