خادم إلج يا زهراء (مكتوبة) - باسم الكربلائي

 

خادم الج يازهراء
وداعة علي سجليني

يا من رضا رب العرش مرضاها
مريم فلا مثلج سيادة انطاها
يا سيدة كل النساء حَوّاها
تاجج صدر بي مرسوم
هذا الأمر تكويني

مملوك إلج خادم عبد من ذاتي
بيج أيقنت بالما يلي و الآتي
أشهدُ أَنِّج فاطمة مولاتي
أحجيها و بعالي الصوت
بوجه الذي يعاديني

الله خلقني الخدمتج يالزهراء
من رماد بابج والخيم عالفطرة
كسر الضلع لضلوعي صاير كسرة
لأمي لَوَن باجي دموع
من دم بجت لج عيني

اليخدم ملك مهما علا يظل خادم
بس خادمج شيخ و تهابه الوادم
بالحشر مكتوب برعاية فاطم
شوية عشق من سلمان
أفتخر من تنطيني

ديني و وجودي بخدمتج لآخر يوم
وبظهري خليته اليضدج و يلوم
من ريحة الجنة اليبغضج محروم
و انا على طوعج مخلوق
توديني و تجيبيني

شكبره بختهم عالي خدام حسين
بكل موكب وهيئة وعزاء تحضرين
بلا كاميرا بعين البصيرة تصورين
هذا البجة و هذا الصاح
يا فاطمة وفقيني

لحزنج خيالي شكد صور مطبوعة
زينب تطفي بالخيم مفزوعة
والخيل فوق إبنج تدوس ضلوعه
يا ليتني صحت هناك
يا خيلهم سحقيني

 

للشاعر : ناجي العتابي