لا تعتذر (مكتوبة) - باسم الكربلائي

 

 

لا تعتذر ما اقبل اعتذارك
انته الاجيت لداري باختيارك

على فراش الكسر مجروح وجداني
المصاب امصابي والاحزان احزاني
الكسر ضلعي وظلمني يعتذر جاني
ما رديت لمن سلم الثاني
ماشي خطا ما ينعدل مسارك
انته الاجيت لداري باختيارك

تماديت وعبرت احدودك اهوايه
شرايد تعتذر عن ذيچ عن هايه
اريد اسال واريدن منك احچايه
كمل هالدين يمته ونزلت الايه
اصلك ظلام وما تحب نهارك
انته الاجيت لداري باختيارك

بابي الحاجه من ابعيد يكضيهه
ياكلهه الحطب يا وسفه تاليهه
محسن صاح والدمعات يجريهه
شمسويتلك امي ؟ لا تاذيهه
بسابع سمه تارك اثر دمارك
انته الاجيت لداري باختيارك

استغليتوهه من مات النبي فرصه
ومن عندك شفت چم لوعه چم غصه
ثق بالله لو ما حيدر اموصه
چا چف الوصل يم فاطمه ايكصه
يشتعل بيك وينطفي شرارك
انته الاجيت لداري باختيارك
بعض ما
من مثلي والم ضلعي .. بعض ما
وضيم الشافته الدنيه .. بعض ما
موتي ابني وحرك بيتي .. بعض ما
جره من التسمعونه عليه

وجهه بينه
ربح من شاف .. وجهه بينه
ودليل الكون ربنه .. وجهه بينه
البغضنه نار حقده .. وجهه بينه
وعليه شاهد تظل جويات اديه

من الماي
اليحضر مجلسي يخفف .. من الماي
واشوفه ابعيني وادعيله .. من الماي
وحك الانذبح ضامي .. من الماي
يشرب ماي عالكوثر بديه

 

للشاعر : حمزة السماوي